- November 2, 2021
- Category:
Ծրագրի անվանում՝ «Մեդիա և տեղեկատվական գրագիտության աքսելերատոր» (MILA)
Ծրագրի ֆինանսավորում՝ ԱՄՆ պետքարտուղարության Հանրային դիվանագիտության գրասենյակ
Ծրագրի իրականացնող՝ Հանրային լրագրության ակումբ (ՀԼԱ)
Իրականացման ժամկետներ՝ Նոյեմբերի 1, 2021 թ․ – հունիսի 30, 2023 թ․
Բյուջե՝ 175.000 ԱՄՆ դոլար
Ծրագրի նպատակն էր նպաստել Հայաստանում ապատեղեկատվությանը դիմակայուն հասարակության ձևավորմանը՝
- քաղհասարակության, մեդիայի ներկայացուցիչների կարողությունների զարգացման, հանրային, մասնավոր և պետական ոլորտների միջև կայուն համագործակցության խթանման,
- տեղեկատվական տեխնոլոգիաների կիրառմամբ կրթության ու մեդիա ոլորտների կարիքներին արձագանքող հարթակների մշակման,
- մարզաբնակ երիտասարդների՝ փաստերի ստուգման ու ապատեղեկատվությունը, մանիպուլյացիան և քարոզչությունը ճանաչելուն ուղղված կարողությունների զարգացման միջամտությունների միջոցով։
Ծրագրի արդյունքում նախատեսված էր.
- Տեխնոլոգիական և մեդիա համայնքների համագործակցության արդյունքում մշակել գործիքներ, որոնք կնպաստեն Հայաստանի հասարակության մեդիագրագիտության զարգացմանը, ապատեղեկատվությունից պաշտպանվածությանը։
- Հայաստանյան լրատվամիջոցների աշխատողների կարողությունների զարգացմանն ուղղված վերապատրաստումներ անցկացում՝ մեդիագրագիտության, փաստերի ստուգման, ապատեղեկատվության բացահայտման գործում, քանզի, ինչպես ամբողջ աշխարհում, Հայաստանում ևս, ընդլայնվում է ապատեղեկատվության մակարդակը։
- Բարելավել Հայաստանի, հատկապես` մարզերում գործող մեդիա ոլորտի ներկայացուցիչների, ինչպես նաև երիտասարդների թվային անվտանգության և տվյալների գաղտնիության կարողությունները:
Հիմնական գործողությունները
- Մեդիա և տեղեկատվական գրագիտության աքսելերատորի կազմակերպում՝ հետազոտական և կրթական կենտրոն՝ նախատեսված Երևանի և մարզերի լրատվամիջոցների աշխատակիցների համար։ Կենտրոնը շրջանակում անցկացվել են վերապատրաստումներ՝ բաց հայտարարությամբ ընտրված մասնակիցների համար։ Վերապատրաստման ծրագիրը մշակվել և անցկացվել է հայաստանյան և միջազգային փորձագետների կողմից։ Յուրաքանչյուր մասնակից, հաջողությամբ վերապատրաստումն անցնելուց հետո, հնարավորություն է ունեցել մասնակցելու անհատական նախագծերի մրցույթի ևնմեդիագրագիտության, փաստերի ստուգման, կամ այլ հարակից թեմաներով լրագրողական նախագիծ իրականացնել։
- Տեղեկատվական տեխնոլոգիաների լուծումներով մեդիա դաշտի կարիքներից բխող, փաստերի ստուգման, հետազոտական ու հետաքննական լրագրությանը խթանող հարթակի ստեղծում՝ միջազգային ու տեղական մասնագետների մասնակցությամբ։
- Նորարարական հեքըթոնյան մրցույթ՝ մեդիա և տեղեկատվական գրագիտության համար լուծումներ գտնելու նպատակով՝ ՏՏ, մեդիա, մեդիա գրագիտության մասնագետների մասնակցությամբ։ Հեքըթոնի մրցանակային ֆոնդը կազմել է 15.000 ԱՄՆ դոլար։ Այս միջոցառումն իրականացվել է ISTC հիմնադրամի, Մեդիա նախաձեռնությունների կենտրոնի, Ձեռնարկությունների ինկուբատոր հիմնադրամի, Հայաստանում Ամերիկյան խորհուրդների և այլ գործընկերների հետ համագործակցությամբ։
- Ապատեղեկատվության և քարոզչության դիմակայությանը նվիրված կոնֆերանսի անցկացում՝ միջազգային փորձագետների, Կառավարության, քաղհասարակության, մեդիա ոլորտի ներկայացուցիչների մասնակցությամբ։
- Վարպետության դասընթացների անցկացում Տավուշի, Սյունիքի, Գեղարքունիքի, Լոռու և Շիրակի մարզերի երիտասարդների համար՝ թվային անվտանգության, տվյալների պաշտպանության վերաբերյալ:
Ծրագրի թիրախային խմբերը
ԶԼՄ-ների աշխատակիցներ, լրագրության բաժինների ուսանողներ, մարզերի երիտասարդներ, քաղաքացիական հասարակության ներկայացուցիչներ, ՏՏ կազմակերպություններ:
Ծրագրի արդյունքները
- Երևանի և մարզերի լրատվամիջոցների 36 վերապատրաստված աշխատակից (լրագրող, խմբագիր, ֆոտոլրագրող, առցանց բովանդակության ստեղծող)։ Շրջանավարտների կողմից մշակված, մեդիագրագիտությունը խթանող, փաստերի ստուգման գործիքակազմի կիրառմամբ 6 նախագիծ, որոնք ստացել են դրամաշնորհներ,
- Փաստերի և տեղեկատվական նյութերի ստուգմանն աջակցող թվային գործիքի մշակում և գործարկում (www.ops.am հարթակի ստեղծում, InVID գործիքի հայերեն թարգմանություն),
- Ապատեղեկատվության և վնասակար քարոզչության դիմակայությանը նվիրված միջազգային կոնֆերանսի անցկացում՝ ներառելով ավելի քան 100 մասնակից,
- Հայաստանի 5 մարզերի 100 վերապատրաստված երիտասարդ՝ թվային անվտանգության, տվյալների պաշտպանության ուղղությամբ,
- Հայաստանյան ՏՏ և մեդիա ոլորտների ներկայացուցիչների համագործակցություն ապատեղեկատվության դեմ պայքարի գործում՝ մեդիա և տեղեկատվական գրագիտությանն ուղղված Հեքըթոնի շրջանակում, 3 հաղթող սթարթափ նախագծի ընտրություն,
- Հանրության լայն շերտերի, մասնավորապես՝ մեդիա դաշտի, կարողությունների խթանում՝ դիմակայելու ապատեղեկատվությանը և կեղծ լուրերին։
Ծրագիրն իրականացվել է ԱՄՆ պետքարտուղարության Հանրային դիվանագիտության գրասենյակի դրամաշնորհի շրջանակում:
