Մայիսի 5-ին, ժամը 12:00-ին, Մեդիա կենտրոնում տեղի կունենա քննարկում՝ «Կա բռնություն, կա խտրականություն․ ի՞նչ կփոխի գենդերային նոր ռազմավարությունը» թեմայով։

Բանախոսներ՝

Սոֆի Բոստանչյան` ՀՀ աշխատանքի և սոցիալական հարցերի նախարարության Հավասար հնարավորությունների ապահովման վարչության Մարդկանց թրաֆիքինգի և կանանց հիմնահարցերի բաժնի պետ

Աննա Հովհաննիսյան՝ Կանանց ռեսուրսային կենտրոնի Ադվոկացիայի թիմի համակարգող

ՀՀ կառավարությունը հաստատել է Հայաստանում գենդերային քաղաքականության իրականացման նոր՝ 2025-2028 թթ․ ռազմավարությունը։ Հիմնական նպատակն է ապահովել կանանց և տղամարդկանց հավասար հնարավորություններ՝ պետական կառավարման, տնտեսության, կրթության, առողջապահության, ինչպես նաև գենդերային բռնության կանխարգելման և կլիմայի փոփոխության ոլորտներում։

Նոր ռազմավարությունը վեց գերակա ուղղություն է սահմանում․ պատրաստ է, արդյոք, Հայաստանը գենդերային հավասարության։

__________

Լրագրողների մուտքն ազատ է։ Հարցերը հնարավոր է ուղարկել նաև առցանց՝ գրելով Մեդիա կենտրոնի ֆեյսբուքյան էջին։

Քննարկումը կհեռարձակվի Մեդիա կենտրոնի ֆեյսբուքյան էջի և յություբյան ալիքի ուղիղ եթերում։