Հուլիսի 8-ին, ժամը 15։00-ին, Մեդիա կենտրոնում տեղի կունենա քննարկում՝ «Քրեական ենթամշակույթը և արդարադատության համակարգի հանդեպ անվստահությունը. պատճառ և հետևանք» թեմայով։
Բանախոսներ՝
Արտակ Կիրակոսյան՝ «Քաղաքացիական հասարակության ինստիտուտ» ՀԿ-ի տնօրեն, հաշտարար
Աղասի Թադևոսյան՝ մշակութային մարդաբան
2020 թ․ ընդունված «Քրեական ենթամշակույթի դեմ պայքարի մասին» օրենքը նախատեսում է քրեական պատասխանատվություն այն անձանց նկատմամբ, ովքեր պատկանում են քրեական ենթամշակույթին կամ տարածում են դրա արժեքները։
Ի՞նչ հաջողություններ է արձանագրել ՀՀ կառավարությունը՝ քրեական ենթամշակույթի դեմ պայքարում: Եթե քրեական ենթամշակույթը մերժելի է, ինչու՞ է քրեական ենթամշակույթին հատուկ բառամթերքն ու վարվելաձևը երբեմն կիրառվում ՀՀ ԱԺ-ում: Որքանո՞վ է արդարադատության համակարգի դեմ անվստահության ցածր մակարդակը նպաստում քրեական ենթամշակույթի կենսունակությանը:
Այս և այլ կարևոր հարցերի կանդրադառնանք քննարկման ընթացքում։
Լրագրողների մուտքն ազատ է։ Հարցերը հնարավոր է ուղարկել նաև առցանց՝ գրելով Մեդիա կենտրոնի ֆեյսբուքյան էջին։
——————————————————
Քննարկումն անցկացվում է Եվրոպական միության ֆինանսական աջակցությամբ ընթացող «Հայաստանում արդարադատության ոլորտի բարեփոխումների մշտադիտարկում» ծրագրի շրջանակում:
Բովանդակության համար պատասխանատվություն է կրում Հանրային լրագրության ակումբը, և պարտադիր չէ, որ այն արտահայտի Եվրոպական միության տեսակետները:
