Ապրիլի 20-ին, ժամը 12:00-ին, Մեդիա կենտրոնում կանցկացվի քննարկում՝ «Երիտասարդները՝ քաղաքականության դերակատարնե՞ր, թե՞ դիտորդներ» թեմայով։
Բանախոսներ՝
- Գրիգոր Երիցյան, «Հայ առաջադեմ երիտասարդություն» ՀԿ նախագահ,
- Յուրի Մովսեսյան, «Ռեստարտ» հիմնադրամի ծրագրերի համակարգող:
ՀՀ «Երիտասարդական քաղաքականության մասին» օրենքը սահմանում է՝ Հայաստանում երիտասարդ է համարվում 13-ից մինչև 35 տարեկան քաղաքացին: Հայաստանում երիտասարդները կազմում են բնակչության գրեթե մեկ երրորդը, ինչը նշանակում է՝ երիտասարդությունը Հայաստանում սոցիալական և քաղաքական զգալի ուժ է:
Երիտասարդների քաղաքական ակտիվությունն առաջին հայացքից այնքան էլ մեծ չէ. ամեն դեպքում՝ 2018 թ.-ից այս կողմ: Նրանք առավելապես ակտիվ են ոչ ֆորմալ հարթակներում՝ սոցիալական ցանցեր, քաղաքացիական նախաձեռնություններ, բողոքի ակցիաներ։
Այս հակասությունը առաջացնում է հարցեր՝ որքանո՞վ են քաղաքական գործընթացները հասկանալի և վստահելի նրանց համար, որքանո՞վ են երիտասարդները ներգրավված կուսակցություններում, բավարար ներկայացվա՞ծ են երիտասարդները պետական՝ որոշում կայացնող մարմիններում, առաջիկա խորհրդարանական ընտրություններին նրանց մասնակցությունը կամ պասիվությունը կարո՞ղ է որոշիչ լինել:
Քննարկման ընթացքում կանդրադառնանք այս և թեմային առնչվող այլ հարցերի:
Քննարկումը հեռարձակվելու է առցանց՝ Մեդիա կենտրոնի յություբյան ու ֆեյսբուքյան հարթակներում։
Լրագրողների մուտքն ազատ է։
Հարցերը հնարավոր է ուղարկել նաև առցանց՝ գրելով Մեդիա կենտրոնի ֆեյսբուքյան էջին։
Քննարկումն ացկացվում է «Մեդիա կենտրոն. քաղաքացիական հասարակության արագ արձագանք արդար ընտրությունների համար» ծրագրի շրջանակում։
Ծրագիրն իրականացվում է Ժողովրդավարության զարգացման հիմնադրամի աջակցությամբ՝ որպես «Գործընկերություն հանուն ժողովրդավարության» նախաձեռնության մաս։
Բովանդակության համար պատասխանատվություն է կրում Հանրային լրագրության ակումբը, և պարտադիր չէ, որ այն արտահայտի Ժողովրդավարության զարգացման հիմնադրամի տեսակետները։
