Ապրիլի 22-ին, ժամը 12:00-ին, Մեդիա կենտրոնում կանցկացվի քննարկում՝ «Պատերա՞զմ, թե՞  խաղաղություն. ԱԺ նախընտրական շրջանում ի՞նչ են առաջարկում քաղաքական ուժերը» թեմայով։

Բանախոսներ՝

• Արմեն Վարդանյան, քաղաքագետ, իրանագետ,
• Էդգար Վարդանյան, քաղաքագետ, «Հայկական խորհուրդ» մտակենտրոնի փորձագետ:

ԱԺ ընտրություններին մասնակցող քաղաքական ուժերը ներկայացնում են Հայաստանի անվտանգության ապահովման տարբեր մոդելներ․խաղաղության օրակարգ, բարիդրացիություն տարածաշրջանային հարևանների հետ,  արտաքին հովանավորների աջակցությամբ՝  անվտանգային խնդիրների լուծում և այլն։

1. Կա՞ն  «խաղաղության» կամ «պատերազմի» կուսակցություններ, թե՞ յուրաքանչյուր կուսակցություն խաղաղության իր մոդելն ունի,
2. Անվտանգային ի՞նչ համակարգեր են առաջարկում քաղաքական ուժերը,
3. Որքանո՞վ են այդ մոտեցումները իրատեսական Հայաստանի համար,
4. Քաղաքական դաշտում որքանո՞վ հիմնավոր է «խաղաղություն vs պատերազմ» բևեռացումը:

Քննարկման ընթացքում կանդրադառնանք այս և թեմային առնչվող այլ հարցերի:

Քննարկումը հեռարձակվելու է առցանց՝ Մեդիա կենտրոնի յություբյան ու ֆեյսբուքյան հարթակներում։ 

Լրագրողների մուտքն ազատ է։ 

Հարցերը հնարավոր է ուղարկել նաև առցանց՝ գրելով Մեդիա կենտրոնի ֆեյսբուքյան էջին։

Քննարկումն ացկացվում է «Մեդիա կենտրոն. քաղաքացիական հասարակության արագ արձագանք արդար ընտրությունների համար» ծրագրի շրջանակում։ 

Ծրագիրն իրականացվում է Ժողովրդավարության զարգացման հիմնադրամի աջակցությամբ՝ որպես «Գործընկերություն հանուն ժողովրդավարության» նախաձեռնության մաս։

Բովանդակության համար պատասխանատվություն է կրում Հանրային լրագրության ակումբը, և պարտադիր չէ, որ այն արտահայտի Ժողովրդավարության զարգացման հիմնադրամի տեսակետները։