Կամավորական աշխատանքի հնարավորություն՝ Հանրային լրագրության ակումբում

Հանրային լրագրության ակումբը փնտրում է կամավոր՝ միանալու մեր թիմին և աջակցելու կազմակերպության ծրագրերի իրականացմանը՝ բովանդակային և տեխնիկական հարցերում։

Եթե ցանկանում եք ձեռք բերել նոր փորձ, զարգացնել ձեր հմտությունները մեդիայի, սոցիալական մեդիայի և ծրագրերի համակարգման ոլորտներում, ապա հրավիրում ենք միանալ Հանրային լրագրության ակումբի թիմին՝ որպես կամավոր։

Ի՞նչ կտա Ձեզ կամավորությունը ՀԼԱ-ում

• Տեսական գիտելիքները գործնականում կիրառելու հնարավորություն։
• Նոր հմտություններ հաղորդակցման, կազմակերպչական, բովանդակության ստեղծման և մեդիայի ոլորտներում։
• Ծանոթություն քաղաքացիական հասարակության կազմակերպության աշխատանքային միջավայրին։
• Նոր օգտակար կապեր և փորձ։
• Շնորհակալագիր կամավորության համար, որը կարող եք կցել Ձեր ինքնակենսագրականին։

Ոլորտներ, որտեղ ակնկալում ենք կամավորական աջակցություն

• Ծրագրերի համակարգման և կազմակերպչական աշխատանքներ։
• Քննարկումների, միջոցառումների նախապատրաստում և իրականացում։
• Սոցիալական ցանցերում բովանդակության ստեղծման աջակցություն։
• Ադմինիստրատիվ առաջադրանքներ։

Աշխատանքը հնարավոր է իրականացնել ինչպես հեռավար, այնպես էլ՝ գրասենյակային ձևաչափով՝ ճկուն աշխատանքային ժամանակացույցով, որը կֆիքսվի երկուստեք համաձայնությամբ։

Ինչպե՞ս դիմել

Ուղարկեք Ձեր ինքնակենսագրականը [email protected] էլ․ փոստի հասցեին` նամակի վերնագրում նշելով «Volunteer_Անուն, Ազգանուն»: Դիմելու վերջնաժամկետը հունիսի 8-ն է։

ՀԼԱ թիմը սիրով սպասում է Ձեզ։