2021-2022. Միջազգային հանրապետական ինստիտուտ
2021 թվականի սեպտեմբերից Հանրային լրագրության ակումբը մեկնարկել է «Covid-19 անդրադարձում» ծրագիրը։ Ծրագրի նպատակն է իրազեկման ոչ ավանդական ձևաչափերով, ինչպիսին է սոցիալական գովազդը, SMS հաղորդագրությունը, մամուլի հաղորդագրությունները, խթանել Հայաստանում և հայախոս համայնքում հանրային իրազեկվածության մակարդակի բարձրացմանը համավարակի և համավարկի դեմ պատվաստումների վերաբերյալ՝ բացատրական նյութի ստեղծման, վավերագրական ֆիլմի և հանրային քննարկումների անցկացման միջոցով՝ թիրախավորելով Շիրակի և Լոռու մարզերը։
2021-2021. Լիտվայի Հանրապետության դեսպանատունը Հայաստանի Հանրապետությունում / Լիտվայի զարգացման համագործակցություն
2021 թվականի հուլիսից Հանրային լրագրության ակումբը մեկնարկել է «Մարզային ՔՀԿ-ներն ընդդեմ ապատեղեկատվության» ծրագիրը։ Ծրագրի նպատակն է նպաստել 10 մարզերում գործող ՔՀԿ-ների կարողությունների զարգացմանը՝ ապատեղեկատվության դեմ պայքարի և փաստերի ստուգման գործընթացում։
2020-2022. Հայաստանում Ամերիկայի Միացյալ Նահանգների դեսպանատուն
2022 թվականի նոյեմբերից Հանրային լրագրության ակումբը Հայաստանում Ամերիկայի միացյալ նահանգների դեսպանատան (ԱՄՆ Պետդեպ) աջակցությամբ իրականացնում է «Մեդիա և տեղեկատվական գրագիտության աքսելերատոր» ծրագիրը, որի նպատակն է նպաստել Հայաստանում ապատեղեկատվությանը դիմացկուն հասարակության ստեղծմանը՝ քաղհասարակության, մեդիայի կարողությունների զարգացման, հանրային, մասնավոր և պետական ոլորտների միջև կայուն համագործակցության միջոցով, ինչպես նաև տեղեկատվական տեխնոլոգիաների կիրառմամբ։
2021 թվականի դեկտեմբերից Հայաստանում Ամերիկայի միացյալ նահանգների դեսպանատան (ԱՄՆ Պետդեպ) աջակցությամբ մեկնարկել է «ՔՀԿ-ների և ՏԻՄ-երի ապատեղեկատվության դիմադրողականության ձևավորում» ծրագիրը, որի նպատակն է ՔՀԿ-ների ներկայացուցիչներին և տեղական ինքնակառավարման մարմինների պաշտոնյաներին զինել անհրաժեշտ գիտելիքներով և հմտություններով կեղծ լուրերը, ապատեղեկատվությունը, մանիպուլյացիաները հայտնաբերելու և բացահայտելու համար. աջակցել նրանց ճշգրիտ և հավաստի տեղեկատվություն փնտրելու, ստանալու և տարածելու հարցում, ստեղծել ցանցայնության և համագործակցության հնարավորություն, որպեսզի նրանք միմյանց աջակցեն ապատեղեկատվական հոսքերը կոտրելու ընդհանուր առաքելության հարցում։
2020-2021 թվականներին Հանրային լրագրության ակումբը իրականացրել է նաև «ԱԱԱՄ ՝ Ավելի անվտանգ առցանց միջավայր․ նախադպրոցական հաստատություններում մեդիագրագիտության ուղղությամբ միջամտություն» ծրագիրը։ Ծրագրի նպատակն էր նպաստել Հայաստանում մեդիագրագիտության և տեղեկատվական գրագիտության մակարդակի բարձրացմանը նախադպրոցական կրթական ոլորտում փոփոխություններ առաջարկելու միջոցով, և ինտեգրել այս հասկացությունները կրթական ռազմավարության և ուսումնական ծրագրերի մեջ՝ իրականացնելով մի շարք գործողություններ, որոնք ուղղված են ոգեշնչելու, կրթելու, վերապատրաստելու և ոգևորելու հիմնական շահագրգիռ կողմերին: Ծրագրի ուշադրության կենտրոնում էին վաղ տարիքային և նախադպրոցական կրթական ծրագրերը։
2020-2021. Բաց հասարակության հիմնադրամներ-Հայաստան կազմակերպություն
2020 թվականի ապրիլ ամսից Հանրային լրագրության ակումբը մեկնարկել է «Կովիդ-19. արագ արձագանքում» ծրագիրը: Հայաստանում COVID-19 համավարակի ընթացքում Հանրային լրագրության ակումբը կկիրառի զանազան հեռավար գործիքներ և ձևաչափեր միջոցառումներ կազմակերպելու և COVID-19 ճգնաժամի ընթացքում հրատապ խնդիրներին արձագանքելու համար`
ա) պոդքասթ հոդվածների շարք և հարցազրույցներ բնակչության իրազեկության բարձրացման համար,
բ) 10 սոցիալական գովազդների պատրաստում և հեռարձակում, նաև ռադիո ձևաչափով,
գ) առցանց հարթակի ստեղծում, որտեղ կհավաքագրվեն և կարխիվացվեն արտակարգ դրության և դրան հաջորդող իրավիճակների վերաբերյալ փաստեր,
դ) Տելեգրամ/Մեսենջեր ազդարարման ալիքի ստեղծում, որը հիմնված է պետական պաշտոնական տեղեկատվության վրա,
ե) հոգեբանական և մեդիագրագիտության վեբինարների կազմակերպում:
2020-2021. Բաց հասարակության հիմնադրամներ-Հայաստան կազմակերպություն
2020 թվականի ապրիլի 1-ից մինչև 2021 թ. հունվարի 31-ը ընկած ժամանակահատվածի համար աջակցություն է տրվել «Մեդիա կենտրոն» քաղաքացիական հասարակության բաց երկխոսության հարթակին, որը հնարավորություն կտա կարծիքների փոխանակում, քննադատական քննարկումներ և քաղաքական քննարկումներ կազմակերպել փորձագետների, քաղաքական գործիչների, ուսանողների և այլոց մասնակցությամբ:
Մեդիա կենտրոնը կանդրադառնա հանրային նշանակության կարևոր հարցերի, ներառյալ` COVID-19- ի բռնկման համատեքստում առաջացած հրատապ խնդիրներին, հետճգնաժամային փոփոխությունների արդյունքում երկրի ժողովրդավարական վերափոխումների օրակարգին և վտանգված արժեքներին:
Բովանդակային առումով հիմնականում անդրադարձ կլինի հետևյալ թեմաներին` կորոնավիրուսային ճգնաժամը և իրավունքների ու ազատությունների սահմանափակումների վերականգնումը հետճգնաժամային փուլում, սահմանադրական, արդարադատության և հակակոռուպցիոն բարեփոխումները, մարդու իրավունքների պաշտպանությունը փակ հաստատություններում և բանակում, հակակոռուպցիոն քաղաքականությունը, թափանցիկությունն ու հաշվետվողականությունը, ընտանեկան բռնությունը, գենդերային հավասարությունն ու խտրականությունը, ատելության խոսքն ու հանդուրժողականությունը, կրթությունը, հանրային առողջապահությունը և սոցիալ-տնտեսական խնդիրները:
2019-2021. Եվրոպական միություն
«Աջակցություն Հայաստան-Թուրքիա կարգավորման գործընթացին․ 3-րդ փուլ» ծրագիրն իրականացվում է Հայաստանի և Թուրքիայի ութ քաղաքացիական հասարակության կազմակերպություններից բաղկացած կոնսորցիումի կողմից, որը ֆինանսավորվում է Եվրոպական միության կողմից։ Կոնսորցիումի անդամներն են. Հայաստանում` Սիվիլիթաս հիմնադրամը (ՍՀ), Եվրասիա համագործակցություն հիմնադրամը (ԵՀՀ), Հանրային լրագրության ակումբը (ՀԼԱ), Տարածաշրջանային հետազոտությունների կենտրոնը (ՏՀԿ), Թուրքիայում` Անադոլու Քյուլթյուրը, Թուրքիայի տնտեսական քաղաքականության հետազոտությունների հիմնադրամը (ՏԵՊԱՎ), Հելսինկյան քաղաքացիական ասամբլեան (ՀՔԱ) և Հրանտ Դինք հիմնադրամը (ՀԴՀ)։
Ծրագրի ընդհանուր նպատակն է պարարտ հող նախապատրաստել բազմակողմանի քաղաքական զարգացումների և լայնածավալ միջամտությունների համար, որոնք կնպաստեն Հայաստան-Թուրքիա ցամաքային սահմանի բացմանն և երկու երկրների միջև դիվանագիտական հարաբերությունների հաստատմանը:
2020. Հայաստանում Ամերիկայի Միացյալ Նահանգների դեսպանատուն
Հանրային լրագրության ակումբ ՀԿ-ն իրականացնում է Հայաստանի և Ադրբեջանի լրագրողների՝ փաստերի ստուգման կարողությունների զարգացում ծրագիրը:
Ծրագրի նպատակն է ստեղծել վստահություն Հայաստանի և Ադրբեջանի մեդիա դաշտի և քաղաքացիական հասարակության ներկայացուցիչների շրջանում:
2019-2020.Հայաստանում Ամերիկայի Միացյալ Նահանգների դեսպանատուն
Ինֆորմացիայի ազատության կենտրոնի (ԻԱԿ) և Հանրային լրագրության ակումբի (ՀԼԱ) կոալիցիան իրականացնում են «Տեղեկատվության մատչելիություն. Նոր մարտահրավերներ, նոր լուծումներ» ծրագիրը:
ծրագրի հիմնական նպատակն է նպաստել ներկայիս իշխանությունների կողմից տեղեկատվության մատչելիության և թափանցիկության ապահովմանը, ինչպես նաև երիտասարդությանը զինել գործնական գիտելիքներով և հմտություններով՝ իրացնելու ակտիվ քաղաքացու վերահսկողության իրենց դերը:
2018-2020. Բաց հասարակության հիմնադրամներ-Հայաստան կազմակերպություն
Բաց հասարակության հիմնադրամներ-Հայաստան կազմակերպության աջակցությամբ Հանրային լրագրության ակումբն իրականացնում է «Մարդու իրավունքները Հայաստանում» նախագիծը:
2018 -2019. Եվրոպական միություն
«Չլսված ձայներ» նախագիծն International Alert կազմակերպության` Լեռնային Ղարաբաղի հակամարտությանը վերաբերող աշխատանքի մի մասն էր։
Նախագծի նպատակը՝ մարդկանց ձայները լսելի դարձնելն էր` և’ այն հասարակության մեջ, որտեղ ապրում են, և’ հակամարտության հակառակ կողմում` ընթերցողներին հնարավորություն տալով տեսնել «թշնամու» կերպարի ներքո թաքնված իրական դեմքերը:
Ծրագիրը ֆինանսավորվում էր Եվրոպական միության կողմից` «Եվրոպական գործընկերություն` հանուն Լեռնային Ղարաբաղի հակամարտության խաղաղ կարգավորման» (EPNK) նախաձեռնության շրջանակներում:
2018-2019. «Սևծովյան վստահություն» (Բլեք Սի Թրասթ)
Հանրային լրագրության ակումբը իրականացրել է «Փաստերի ստուգման հարթակի ձևավորում» նախագիծը:
Նախագծի նպատակն էր խթանել հայաստանյան մեդիա դաշտում փաստերի ստուգման մշակույթը, ճշգրիտ, անկողմնակալ և հավասարակշռված տեղեկատվություն ստեղծելու ու տարածելու նպատակով, ինչպես նաև զարգացնել լրագրողների հմտությունները փաստերի ստուգման ոլորտում ապատեղեկատվության տարածման, հանրային թյուրընկալման ռիսկերը նվազեցնելու և կարևոր հարցերի վերաբերյալ հանրային իրազեկությունը բարելավելու նպատակով:
2017 -2019. Եվրոպական միություն +5 % Բաց հասարակության հիմնադրամներ-Հայաստան կազմակերպություն
«Հանրային լրագրության ակումբ» հասարակական կազմակերպությունը «Հետաքննող լրագրողներ» հասարակական կազմակերպության հետ համատեղ իրականացրեց «Հանրային հայացք՝ փակ աշխարհին․ մարդու իրավունքների իրավիճակը Հայաստանի փակ հաստատություններում» երկամյա ծրագիրը Եվրոպական Միության և Բաց հասարակության հիմնադրամներ-Հայաստանի ֆինանսավորմամբ։
Ծրագրի ընդհանուր նպատակն էր նպաստել փակ հաստատություններում, ինչպես նաև հատուկ խնամքի հաստատություններում և հատուկ դպրոցներում մարդու իրավունքների իրավիճակի բարելավմանը` հանրային իրազեկման, ինչպես նաև առկա խնդիրների ու հնարավոր լուծումների վերաբերյալ բանավեճերի միջոցով։
2017-2020. Բաց հասարակության հիմնադրամներ-Հայաստան կազմակերպություն
Բաց հասարակության հիմնադրամներ-Հայաստան կազմակերպության աջակցությամբ Հանրային լրագրության ակումբն իրականացնում է «Մեդիա կենտրոն» նախագիծը:
2016 -2017. Եվրոպական միություն
«Աջակցություն Հայաստան-Թուրքիա կարգավորման գործընթացին.2-րդ փուլ» ծրագիրն իրականացնում է Հայաստանի և Թուրքիայի ութ հասարակական կազմակերպություններից բաղկացած կոնսորցիումը։ Ծրագիրն իրականացվում է Եվրոպական միության ֆինանսական աջակցությամբ «Կայունության գործիքի» շրջանակներում: Ծրագրի երկրորդ փուլը հիմնված է 2014-2015թթ. իրականացված առաջին փուլի արդյունքների վրա:
Ծրագրի նպատակն է աջակցել Հայաստանի ու Թուրքիայի քաղաքացիական հասարակության ներկայացուցիչներին՝ նպաստելու տարածաշրջանային խաղաղության և կայունության հաստատմանը, ինչպես նաև ժողովրդավարական բազմակարծությանը:
Կոնսորցիումի անդամներն են. Հայաստանում` Սիվիլիթաս հիմնադրամը, Եվրասիա համագործակցություն հիմնադրամը, Հանրային լրագրության ակումբը, Տարածաշրջանային հետազոտությունների կենտրոնը, Թուրքիայում` Անադոլու Քյուլթյուրը, Տնտեսական քաղաքականության հետազոտությունների հիմնադրամը(Տեպավ), Հելսինկյան քաղաքացիական ասամբլեան և Հրանտ Դինք հիմնադրամը։
2015. Հայաստանում Ամերիկայի Միացյալ Նահանգների դեսպանատուն
Հայաստանում Ամերիկայի Միացյալ Նահանգների դեսպանատան աջակցությամբ Հանրային լրագրության ակումբը (ՀԼԱ) և Թուրքիայի տնտեսական քաղաքականության հետազոտությունների հիմնադրամը (ՏԵՊԱՎ) իրականացնում են «Տեխնոլոգիաներ առանց սահմանների. Երևան-Անկարա» նախագիծը: ՏՀՏ ոլորտը ներկայացնող ավելի քան 20 ուսանող և երիտասարդ ձեռներեց Հայաստանից և Թուրքիայից կմասնակցի Անկարայում անցկացվելիք «Տեխնոլոգիաներ առանց սահմանների. Երևան-Անկարա» նախագծին:
2015. Բաց հասարակության հիմնադրամներ-Հայաստան կազմակերպություն
«Բաց հասարակության հիմնադրամներ-Հայաստան»-ի աջակցությամբ Հանրային լրագրության ակումբը պատրաստում է վավերագրական ֆիլմ, որը կներկայացնի հունիսի 23-ի (2015թ.) դեպքերը: Ֆիլմը պատմում է ոստիկանների` Բաղրամյան պողոտան էլեկտրաէներգիայի սակագնի բարձրացման դեմ պայքարող ցուցարարներից ազատելու գործողությունների ու այդ օրվա զարգացումների մասին: Ֆիլմի հիմքում ցույցի մասնակիցների, իրավապաշտպանների հետ հարզացրույցներն են և արխիվային նյութերը:
2015. Հայաստանում Ամերիկայի Միացյալ Նահանգների դեսպանատուն
Հայաստանում Ամերիկայի Միացյալ Նահանգների դեսպանատան ժողովրդավարության հանձնաժողովի փոքր դրամաշնորհի շրջանակներում Հանրային լրագրության ակումբը մեկնարկում է «Երիտասարդները նախաձեռնում են և տեղեկացնում» ծրագիրը։
Ծրագրի նպատակն է Երևանի երկու վարչական շրջանների (Դավթաշեն և Աջափնյակ) բարձր դասարանների աշակերտներին ներգրավել իրենց համայնքների սոցիալ-տնտեսական և մշակութային միջավայրը բարելավելու ուղղությամբ գաղափարներ առաջարկելուն և իրականացնելուն։ Ձևավավորել պատասխանատվության զգացում համայնքի նկատմամբ, նախաձեռնողականություն, խնդիրները վեր հանելու, ներկայացնելու և լուծումներ առաջարկելու կարողություններ։
2015 – 2016. Բաց հասարակության հիմնադրամներ-Հայաստան կազմակերպություն եւ Երեւանում Մեծ Բրիտանիայի դեսպանատուն
Բաց հասարակության հիմնադրամներ-Հայաստան կազմակերպության եւ Երեւանում Մեծ Բրիտանիայի դեսպանատան համատեղ աջակցությամբ Հանրային լրագրության ակումբն իրականացնում է «Մեդիա կենտրոն» նախագծի նոր փուլը:
2014 -2015. Եվրոպական միություն
«Աջակցություն Հայաստան-Թուրքիա կարգավորման գործընթացին» ծրագիրն իրականացնում է Հայաստանի և Թուրքիայի ութ հասարակական կազմակերպություններից բաղկացած կոնսորցիումը։ Ծրագիրն իրականացվում է Եվրոպական միության ֆինանսական աջակցությամբ «Կայունության գործիքի» շրջանակներում:
Ծրագրի նպատակն է աջակցել քաղաքացիական հասարակության ջանքերին՝ ուղղված Հայաստան-Թուրքիա հարաբերությունների կարգավորմանն ու փակ սահմանների բացմանը, մարդկային կապերը զարգացնելու, տնտեսական ու գործարար կապերն ընդլայնելու, մշակութային և կրթական ծրագրեր իրականացնելու, ինչպես նաև հավասարակշռված տեղեկատվություն ապահովելու միջոցով։
Կոնսորցիումի անդամներն են. Հայաստանում` Սիվիլիթաս հիմնադրամը, Եվրասիա համագործակցություն հիմնադրամը, Հանրային լրագրության ակումբը, Տարածաշրջանային հետազոտությունների կենտրոնը, Թուրքիայում` Անադոլու Քյուլթյուրը, Տնտեսական քաղաքականության հետազոտությունների հիմնադրամը(Տեպավ), Հելսինկյան քաղաքացիական ասամբլեան և Հրանտ Դինք հիմնադրամը։
2013 – 2014. Բաց հասարակության հիմնադրամներ-Հայաստան կազմակերպություն եւ Երեւանում Մեծ Բրիտանիայի դեսպանատուն
Բաց հասարակության հիմնադրամներ-Հայաստան կազմակերպության եւ Երեւանում Մեծ Բրիտանիայի դեսպանատան համատեղ աջակցությամբ Հանրային լրագրության ակումբն իրականացնում է «Մեդիա կենտրոն» նախագիծը:
2013. Բաց հասարակության հիմնադրամներ-Հայաստան կազմակերպություն
2013-ի ապրիլ-մայիս ամիսներին Բաց հասարակության հիմնադրամներ-Հայաստանկազմակերպության կողմից ստացված դրամաշնորհի միջոցով Հանրային լրագրության ակումբը «Նոր տեխնոլոգիաներն հօգուտ նոր մեդիայի եւ հանրային լրագրության» ծրագրի շրջանակում խթանել է քաղաքացիական լրագրությանը ընտրությունների լուսաբանման ընթացքում My News հեռախոսային հավելվածի միջոցով: My News հեռախոսային հավելվածում ստեղծվել է «Տեղական ընտրություններ 2013» և «Հաշմանադամություն ունեցող անձանց խնդիրները» անվամբ բաժինները: Անցկացվել է նաև երկօրյա դասընթաց, որի շրջանակում ներկայացվել է ինֆոգրաֆիկների ստեղծումը:
2013. Քաունթերփարթ ինթերնշնլ ինկ. հայաստանյան ներկայացուցչություն
2013-ի դեկտեմբերին Հանրային լրագրության ակումբը Մայքրոսոֆթ ինովացիոն կենտրոնի հետ Քաունթերփարթ ինթերնշնլ ինկ. հայաստանյան ներկայացուցչությանդրամաշնորհի միջոցով կազմակերպել է «Հեքըթոն[ՅԱՆ] թռիչք 2013» նորարար գաղափարների, նախագծերի ու ծրագրավորման մրցույթը:
2012-2013. Հայաստանում ԱՄՆ դեսպանատան ժողովրդավարության հանձնաժողովի փոքր դրամաշնորհների ծրագիր
ԱՄՆ դեսպանատան ժողովրդավարության հանձնաժողովի փոքր դրամաշնորհների ծրագրի միջոցով իրականացվել է «Հանրային լրագրություն. հզորացնելով հանրային թղթակիցների կարողությունները» նախագիծը, որի նպատակն էր Հայաստանում հանրային թղթակցության մշակույթի խթանումը, հանրային թղթակցության, սոցիալական մեդիայի վերաբերյալ հասարակության ակտիվ անդամների գիտելիքների ընդլայնումն ու զարգացումը:
2012-2013. Բաց հասարակության հիմնադրամներ-Հայաստան կազմակերպություն
Բաց հասարակության հիմնադրամներ-Հայաստան կազմակերպության կողմից ստացված դրամաշնորհի շրջանակներում իրականացվել է «Նոր տեխնոլոգիաներն հօգուտ նոր մեդիայի եւ հանրային լրագրության» ծրագիրը, որի միջոցով Հանրային լրագրության ակումբը կազմակերպել է «Իմ լուրերը» հարթակում թղթակցային 4 մրցույթ, 4 քննարկում-հանդիպում ինֆորմացիոն տեխնոլոգիաների ոլորտը ներկայացնող մասնագետների եւ լրագրողական համայնքի ներկայացուցիչների համար եւ 1 մրցույթ՝ լրատվական կայքերի համար, խոշոր դրամական պարգեւով:
«Իմ լուրերը» կայքում ընդգրկվել է նաեւ «Հարց ու պատասխան» (Q&A) բաժինը, որտեղ վեց ամիս շարունակ, ամենամսյա պարբերականությամբ հասարակության անդամներից հավաքագրվել են հարցեր՝ որոշակի թեմայի, խնդրի վերաբերյալ: Հավաքագրված հարցերը խմբավորվել են, ուղղվել համապատասխան պաշտոնյաներին, մասնագետներին եւ պատասխանները հրապարակվել են համապատասխանաբար յուրաքանչյուր հարցի ներքո:
2012. Քաունթերփարթ ինթերնշնլ ինկ. հայաստանյան ներկայացուցչություն
2012թ-ի դեկտեմբերին Հանրային լրագրության ակումբը Հայաստանի Մայքրոսոֆթ ինովացիոն կենտրոնի, Մայքրոսոֆթ Ար Էյ-ի, Ձեռնարկությունների ինկուբատոր հիմնադրամի, mLab ECA մոբայլ լուծումների տարածաշրջանային լաբորատորիայի եւ Սորսիո ընկերության հետ համատեղ կազմակերպել է «Հեքըթոն[ՅԱՆ] 2012» նորարար գաղափարների, նախագծերի ու ծրագրավորման մրցույթը, որի նպատակն էր նպաստել Հայաստանում տարբեր ոլորտների զարգացմանը՝ նոր տեխնոլոգիաների ներդրմամբ: «Հեքըթոն[ՅԱՆ]2012–ը» հնարավոր է դարձել նաեւ Քաունթերփարթ ինթերնեշնլ Հայաստանի աջակցությամբ:
2012. Եվրասիա համագործակցության հիմնադրամ
«Այլընտրանքային մեդիա ռեսուրսներ» ծրագրի շրջանակում Եվրասիա համագործակցության հիմնադրամի` «Քաղաքացիական լրագրություն Ֆեյսբուք ցանցի և բջջային հեռախոսների միջոցով դեպի My News հարթակ» դրամաշնորհի միջոցով «Իմ լուրերը» հարթակի կայքում, շարժական հավելվածներում ու ֆեյսբուքյան էջում բացվել են «Նախագահական ընտրություններ 2013» բաժինները:
2012. Քաունթերփարթ ինթերնշնլ ինկ. հայաստանյան ներկայացուցչություն
2012-ի մարտ-մայիս ամիսներին ՀԼԱ-ն իրականացրել է «Մոբայլ տեխնոլոգիաները` իրազեկ ընտրությունների համար» նախագիծ, որը ֆինանսավորվել է Քաունթերփարթ ինթերնշնլ ինկ. հայաստանյան ներկայացուցչության տրամադրած դրամաշնորհի միջոցով: Այն համաֆինանսավորվել է Հանրային լրագրության ակումբի 2011-2012 թթ-ի՝ «Հանրային լրագրություն. վերափոխելով լուրերի սպառման գործընթացը Հայաստանում ակտիվ մասնակցության» նախագծի շրջանակներում:
2011-2012. Մոսկվայում Նորվեգիայի դեսպանություն
ՀԼԱ-ի 2011-2012 թթ-ի «Հանրային լրագրություն. վերափոխելով լուրերի սպառման գործընթացը Հայաստանում ակտիվ մասնակցության» նախագիծը հնարավոր է դարձել իրականացնել Մոսկվայում Նորվեգիայի դեսպանության տրամադրած դրամաշնորհի միջոցով:
2011. Քաունթերփարթ ինթերնեյշնլ ինկ. հայաստանյան ներկայացուցչություն
Քաունթերփարթ ինթերնեյշնլ ինկ. հայաստանյան ներկայացուցչությունից ստացած դրամաշնորհի միջոցով իրականացվել է Հանրային լրագրության ակումբի «Հեքըթոն[ՅԱՆ] Երևան 2011» մրցույթը: