Հանրային լրագրության ակումբը միացել է Կանադա-Եվրասիա առևտրատնտեսական պալատին

Հանրային լրագրության ակումբը (ՀԼԱ) ուրախությամբ տեղեկացնում է Կանադա-Եվրասիա առևտրատնտեսական պալատի (ԿԵԱՏՊ) անդամ դառնալու մասին։ ԿԵԱՏՊ-ն անկախ, ոչ պետական և շահույթ չհետապնդող կազմակերպություն է, որն աջակցում է Կանադայի և եվրասիական երկրների միջև առևտրի, ներդրումների և համագործակցության զարգացմանը։

Այս համագործակցությունը նոր հնարավորություններ կստեղծի ՀԼԱ-ի համար՝ ներգրավվելու Կանադայում և Եվրասիայում գործող ավելի քան 100 ընկերությունների և անհատների լայն ցանցում՝ նպաստելով միջազգային գործընկերության և կայուն զարգացման խթանմանը։

ԿԵԱՏՊ առաքելությունն է զարգացնել տնտեսական և առևտրային հարաբերությունները Կանադայի և եվրասիական երկրների միջև, աջակցել երկկողմ համագործակցություններին և տրամադրել անհատականացված աջակցություն կայուն բիզնեսի աճի և նորարարության համար։

ԿԵԱՏՊ անդամ դառնալու շնորհիվ ՀԼԱ-ն հնարավորություն կունենա օգտվել հետևյալ առավելություններից․

• B2B և B2C ցանցային հնարավորություններ
• Մասնագիտական վերապատրաստում և զարգացում
• Միջազգային ճանաչում ֆորումների և համաժողովների միջոցով
• Շուկայի ընդլայնման անհատականացված աջակցություն Կանադայում և եվրասիական առաջնահերթ երկրներում
• Լոգիստիկ և ճանապարհորդական խորհրդատվական ծառայություններ Կանադա գործուղումների համար

Այս անդամակցությունը վկայում է ՀԼԱ-ի շարունակական ջանքերի մասին՝ ընդլայնելու իր միջազգային կապերը, գտնելու նոր գործընկերներ և նպաստելու Հայաստանի գլոբալ համագործակցությանը և նորարարական դաշտի զարգացմանը։