Հայտարարություններ

ՀԱՍՏԻՔԸ՝ Խմբագիր-թարգմանիչ, հանրային իրազեկման պատասխանատու

ՎԱՅՐԸ` Երևան, ՀՀ

ՎԵՐՋՆԱԺԱՄԿԵՏԸ` 10.09.2022

ԱՇԽԱՏԱՆՔԻ ՄԵԿՆԱՐԿԸ ՍԿՍԵԼՈՒ ԱՄՍԱԹԻՎԸ՝ անմիջապես

ԿԱԶՄԱԿԵՐՊՈՒԹՅՈՒՆԸ՝ «Հանրային լրագրության ակումբ» ՀԿ

Մենք փնտրում ենք պատասխանատու գործընկերոջ, ով հետաքրքրասեր է, նորը սովորելու ձգտում ունի, եռանդով լի է և կարող է ներգրավվել պարզ նախաձեռնություններից մինչև ավելի բարդ ծրագրերի համակարգման գործում։

Մենք փնտրում ենք համապատասխան մասնագետի, ով կմիանա ՀԼԱ թիմին և կներգրավվի կազմակերպության բազմաբնույթ նախագծերի աշխատանքներում, ինչպես նաև կկատարի թարգմանչական և խմբագրական գործառույթներ։

Հիմնական պարտականությունները՝

• Իրականացնել հաղորդակցման և իրազեկման գործառույթներ։
• Խմբագրել, հեղինակել իրազեկման և հանրայնացման համար անհրաժեշտ նյութեր։
• Կազմակերպել և համակարգել միջոցառումների առցանց հեռարձակումները (ՀԼԱ-ն կիրականացնի վերապատրաստում)։
• Կատարել միջոցառումների կարիքներից բխող կազմակերպչական գործողություններ և պահպանել ժամկետները։
• Ապահովել կազմակերպության կայքերում անթերի բովանդակությամբ հրապարակումները։
• Իրականացնել նախագծերի հանրային իրազեկման աշխատանքները։
• Կազմակերպել առցանց հեռարձակումներ, համակարգել առցանց հանդիպումներ ու վեբինարներ (ՀԼԱ-ն կիրականացնի վերապատրաստում)։
• Ապահովել ՀԼԱ սոցիալական էջերում՝ Թվիթեր, Ֆեյսբուք, Ինստագրամ, ՏիկՏոկ բովանդակության հրապարակումները (ՀԼԱ-ն կպատվիրակի արտաքին վերապատրաստում փորձառու մասնագետների կողմից)։
• Պատրաստել ծրագրային ընթացիկ փաստաթղթեր, հիմնականում՝ հայերեն և անգլերեն։
• Կազմակերպել ծրագրային միջոցառումներ և մասնակցել դրանց։
• Անհրաժեշտության դեպքում ներկայացնել կազմակերպությունը աշխատանքային հանդիպումների ժամանակ։
• Համակարգել լոգիստիկ հարցերը։
• Թարգմանել տեքստեր հայերենից անգլերեն և հակառակը։
• Պատրաստել նկարագրական հաշվետվություններ։
• Ապահովել կազմակերպության կայքերում և սոցիալական մեդիայի էջերում հրապարակվող բովանդակության անգլերեն հատվածը։
• Համագործակցել կազմակերպության տեղական և միջազգային գործընկերների հետ։
• Կատարել կազմակերպության ղեկավարի և ծրագրերի ղեկավարի կողմից հանձնարարվող, կազմակերպության ծրագրերից բխող գործողություններ։

Պահանջվող հմտությունները և փորձը՝

• Բարձրագույն կրթություն կառավարման, լեզվաբանական, լրագրության,, հաղորդակցության կամ համանման ոլորտներում։
• Նվազագույնը 3 տարվա համապատասխան աշխատանքային փորձ նախագծերի, ծրագրերի համակարգման ոլորտում։
• Հայերենից անգլերեն և անգլերենից հայերեն թարգմանությունների փորձ։
• Սոցիալական մեդիա գործիքների գերազանց իմացություն, դրանց կիրառման փորձ՝ աշխատանքային գործընթացում։
• Վերջնաժամկետների նկատմամբ պատասխանատվություն ու դրանց պահպանում։
• Թիմում աշխատելու կարողություն, աշխատանքում համագործակցային սկզբունքներ։
• Խնդիրների՝ խաղաղ ճանապարհով լուծման հմտություններ և կարողություններ։
• Բազմաբնույթ առաջադրանքների կատարման հմտություններ։
• Հաղորդակցման գերազանց հմտություններ։
• Նոր գիտելիքներ և կարողություններ ձեռք բերելու պատրաստակամություն։
• Թեժ և արտակարգ իրավիճակներում աշխատանքի փորձ։
• Հասարակական, միջազգային կազմակերպություններում աշխատանքը կդիտվի որպես առավելություն։

Աշխատանքին դիմելու համար խնդրում ենք ուղարկել Ձեր CV-ն հետևյալ էլ. փոստին` [email protected]՝ նամակի թեմա դաշտում նշելով՝ «Editor_Translator_NAME_SURNAME»: Խնդրում ենք ինքնակենսագրականում նշել առավելագույնը երեք նախկին ղեկավարների և նրանց կոնտակտային տվյալները, ովքեր կարող են Ձեր մասին կարծիք հայտնել։

Կազմակերպությունը կապ կհաստատի միայն հարցազրույցի համար ընտրված թեկնածուների հետ։

Նախնական ընտրությունն անցած դիմորդներին հնարավորություն է ընձեռվելու ծանոթանալ աշխատանքային պարտականություններին ու բնույթին, փորձել սեփական ուժերը երկշաբաթյա ժամանակահատվածում։

Ընտրված թեկնածուի հետ կնքվելու է եռամսյա փորձաշրջանի պայմանագիր, այնուհետև՝ աշխատանքային պայմանագիր։