Հայտարարություններ

ՀԱՍՏԻՔԸ՝ Ծրագրերի օգնական

 ՎԱՅՐԸ` Երևան

 ԴԻՄԵԼՈւ ՎԵՐՋՆԱԺԱՄԿԵՏԸ` Սեպտեմբերի 21-ը ներառյալ

 ԱՇԽԱՏԱՆՔԸ ՍԿՍԵԼՈՒ ԱՄՍԱԹԻՎԸ՝ Նոյեմբերի 1

 ԿԱԶՄԱԿԵՐՊՈՒԹՅՈՒՆԸ՝ «Հանրային լրագրության ակումբ» ՀԿ

 ԴՐՈՒՅՔԸ՝ Լրիվ

 

 Հանրային լրագրության ակումբը փնտրում է ակտիվ, փորձառու և պատասխանատու աշխատակցի՝ կազմակերպության Ծրագրերի օգնականի թափուր հաստիքը զբաղեցնելու համար։

Մենք փնտրում ենք գործընկերոջ, ով աշխատասեր է, նորարար, նախաձեռնող, սիրում է թիմային աշխատանքը, հարգում է վերջնաժամկետները։

Հիմնական պարտականությունները՝

• Աջակցել կազմակերպության ընթացիկ ծրագրերի գործողություններին և իրականացմանը` կատարելով ծրագրերի ղեկավարի և կազմակերպության ղեկավարի հանձնարարությունները։
• Աշխատանքը կատարել ՀԼԱ և դրամաշնորհառու կազմակերպության ներքին ընթացակարգերին և պահանջներին համապատասխան։
• Պատասխանատու լինել ծրագրերի գործողություններից բխող աշխատանքների պլանավորման, իրականացման համար, կազմել գործողություններից բխող աշխատանքային պլաններ։
• Մշակել, պատրաստել ծրագրերի մասին իրազեկման նյութեր, սահիկաշարեր, սոցիալական մեդիայում իրազեկման նպատակով ստեղծվող բովանդակություն, նպաստել դրա տարածմանը։ Ապահովել ծրագրերի մասին ստեղծվող մեդիա բովանդակության հրապարակումները ՀԼԱ կայքերում, սոցիալական ցանցերում։
• ՀԼԱ ծրագրերի ղեկավարի, ՀԼԱ ղեկավարի հանձնարարությամբ համակարգել ծրագրերի գործողությունների համապատասխան բաղադրիչները։
• Մասնակցել ծրագրերի համար մասնագետների, փորձագետների ընտրության գործընթացներին՝ պատրաստելով ընտրության համար անհրաժեշտ համապատասխան փաստաթղթերը։
• Ներգրավվել ծրագրերի մոնիթորինգի ու գնահատման գործընթացներում՝ իրականացնելով տվյալների հավաքագրումը՝ համաձայն մշակված պլանի։
• Համակարգել ծրագրային միջոցառումների մասնակիցների հավաքագրման  գործընթացը։
• Ստեղծել ծրագրի հանրայնացման համար անհրաժեշտ նյութերը՝ համագործակցելով Հաղորդակցության մասնագետի հետ։
• Տեղեկացնել Ծրագրերի ղեկավարին ծրագրային արդյունքներին վերաբերող բոլոր հնարավոր ռիսկերի և խոչընդոտների մասին։ Պատրաստել կատարած աշխատանքների մասին ծրագրային հաշվետվություններ։
• ՀԼԱ ծրագրերի ղեկավարի, ՀԼԱ ղեկավարի համաձայնությամբ ներկայացնել ՀԼԱ-ն և ծրագրերը՝ տարբեր հանդիպումների և համաժողովների ժամանակ։
• Ապահովել աշխատանքային փաստաթղթերի պատշաճ կերպով պահպանումը, արխիվացումը և գաղտնիությունը։
• Մշակել և խթանել արդյունավետ աշխատանքային հարաբերություններ ՀԼԱ գործընկերների և գործընկեր կառույցների միջև դրամաշնորհառուների և շահառուների հետ, ինչպես նաև ստեղծել և պահպանել համագործակցային ներդաշնակ մթնոլորտ: Մասնակցել ՀԼԱ ինստիտուցիոնալ զարգացման գործընթացներին։
• Անհրաժեշտության դեպքում մշակել ծրագրերի թեմաներին առնչվող համառոտագրեր։
• Կազմել հանդիպումների ու ժողովների արձանագրություններ։ Կազմել հանդիպումների ու ժողովների օրացուցային պլաններ` կիրառելով առցանց գործիքներ։
• Տրամադրել ընդհանուր վարչական և տեխնիկական աջակցություն, այդ թվում՝ փաստաթղթերի սքանավորում և պատճենահանում։
• Կազմակերպել աշխատակիցների և հյուրերի ճամփորդությունները, կեցավայրերի ամրագրումը։
• Կազմել և պահպանել կոնտակտային տվյալների ցանկեր, համակարգել կոնտակտային բազաները։
• Պահպանել և արխիվացնել ծրագրային ու ընդհանուր ֆայլերը՝ պատշաճ ու ապահով կերպով։
• Հետևել և ապահովել գրասենյակի տարածքի, պարագաների և սարքավորումների պատշաճ վիճակը։
• Անհրաժեշտության և/կամ ծրագրային կարիքներից ելնելով՝ թարմացնել ՀԼԱ-ին առնչվող առցանց հարթակները։  Կատարել ուղիղ հեռարձակումներ կազմակերպության միջոցառումներից։
• Ներգրավվել կազմակերպության համար այդ պահին առաջնահերթ համարվող ծրագրերում՝ համակարգման, ադմինիստրատիվ աշխատանքների ու բովանդակային նյութեր ստեղծելու նպատակով։
• Նպաստել կազմակերպության գործունեության սահուն, անխափան ու պրոֆեսիոնալ աշխատանքին՝ ապահովելով աշխատանքների բարձր որակ, վերջնաժամկետների նկատմամբ հարգանք, հանձնարարությունների նկատմամբ պատասխանատու վերաբերմունք։
• Կազմակերպության ղեկավարի որոշմամբ ներգրավվել այդ պահին առաջնահերթ համարվող ծրագրային գործողություններում։

Պահանջվող հմտությունները և փորձը՝

• Բարձրագույն կրթություն՝ լեզվաբանական, լրագրության, կառավարման, հաղորդակցության կամ համանման ոլորտներում։
• Նվազագույնը 3 տարվա համապատասխան աշխատանքային փորձ՝ նախագծերի, ծրագրերի համակարգման ոլորտում։
• Սոցիալական մեդիա գործիքների իմացություն, դրանց կիրառման փորձ՝ աշխատանքային գործընթացում։
• Անգլերենի և ռուսերենի խոսակցական մակարդակ։
• Վերջնաժամկետների նկատմամբ պատասխանատվություն ու դրանց պահպանում։
• Թիմում աշխատելու կարողություն, աշխատանքում համագործակցային սկզբունքներ։
• Խնդիրների՝ խաղաղ ճանապարհով լուծման հմտություններ և կարողություններ։
• Բազմաբնույթ առաջադրանքների կատարման հմտություններ։
• Հաղորդակցման գերազանց հմտություններ։
• Նոր գիտելիքներ և կարողություններ ձեռք բերելու պատրաստակամություն։

Աշխատանքին դիմելու համար խնդրում ենք ուղարկել Ձեր ինքնակենսագրականը հետևյալ էլ. փոստին` [email protected]՝ նամակի թեմա դաշտում նշելով՝ «Project_ Assistant_NAME_SURNAME»:

Խնդրում ենք ինքնակենսագրականում նշել առավելագույնը երեք նախկին ղեկավարների և նրանց կոնտակտային տվյալները, ովքեր կարող են Ձեր մասին կարծիք հայտնել։

Կազմակերպությունը կապ կհաստատի միայն հարցազրույցի համար ընտրված թեկնածուների հետ։

Նախնական ընտրությունն անցած դիմորդներին հնարավորություն է ընձեռվելու ծանոթանալ աշխատանքային պարտականություններին ու բնույթին, փորձել սեփական ուժերը երկշաբաթյա ժամանակահատվածում։