Նորություններ

#PowerUp-ն ամփոփեց 1-ին փուլը

Մեդիագրագիտությունը և քննադատական մտածողությունն օգնում են մեզ կողմնորոշվել տեղեկատվական հոսքերում, տարանջատել թացը չորից, վերլուծել բովանդակությունն ու չենթարկվել մանիպուլյացիաների։

Այս ամենն ավելի հեշտ է անել, երբ կողքիդ կանգնած են ոլորտի լավագույն մասնագետները և տարիքակից ընկերներդ՝ Հայաստանի տարբեր մարզերից։

Մարտի 13-ից 14-ը Ծաղկաձորում տեղի ունեցավ #PowerUp-ի երկօրյա դասընթացը մեդիագրագիտության, քննադատական մտածողության և փաստերի ստուգման թեմաներով։

Դասընթացին մասնակցեցին Շիրակի, Լոռու և Արմավիրի 15 երիտասարդենր և մարզային 3 համակարգողները։

Դասընթացի փորձագետների հետ մասնակիցներն ուսումնասիրեցին մեր օրերի ամենաարդիական թեմաները՝

Նարինե Թեքնեջյան, «Երիտասարդությունը ուժ է» ՀԿ ղեկավար։

Թեմա՝ Ինչպե՞ս չդադարել սովորել, համախմբել համայնքը  ապատեղեկատվության դեմ պայքարի շուրջ։

Ստեփան Գրիգորյան, Գլոբալիզացիայի և տարածաշրջանային համագործակցության կենտրոնի նախագահ։

Թեմա՝ Ապատեղեկատվության, մտածված ու կանխամտածված դեզինֆորմացիայի պատմությունն ու նպատակները. հստակ պատմական ու ժամանակակից քեյսերի մասին ամփոփում։

Արթուր Պապյան, տեղեկատվական անվտանգության մասնագետ, «Բազմակողմանի տեղեկատվության ինստիտուտ»-ի ղեկավար։

Թեմաներ՝ Սոցիալական մեդիա մարտահրավերներ. նոր հարթակներ և նոր  գործիքներ ապատեղեկատվության դեմ պայքարում։

Սոցիալական ցանցերի մարտահարվերները, լսարանի սեգմենտավորումը և բովանդակության տեսակը, կախված լսարանից։ Տեղեկատվական անվտանգությունը՝ թվային միջավայրում։

Հարություն Ծատրյան, փաստերի ստուգման մասնագետ, Մեդիա նախաձեռնությունների կենտրոն։

Թեմաներ՝ Փաստերի ստուգումն ու տեղեկությունների ճշգրտումը թվային միջավայրում։ Տեքստի, լուսանկարի և տեսանյութի ստուգում։ Խորացված որոնում, աղբյուրների ստուգում և ջնջված նյութերի հայտնաբերում։

Փաստերի ստուգումը արտակարգ դրության պայմաններում։ Օրենսդրական սահմանափակումները և տվյալների հետ աշխատանքը ֆորս-մաժորային իրավիճակներում։

Շուշան Դոյդոյան, ԵՊՀ դասախոս, Ինֆորմացիայի ազատության կենտրոնի ղեկավար։

Թեմաներ՝ Տեղեկատվության ազատության օրենքի և պրակտիկայի պարզաբանում։ Պաշտոնական հարցումներ։

Լրագրողական էթիկայի կանոններ։ Էթիկան կոնֆլիկտների և հակամարտությունների ժամանակ։

Աձննական տվյալների պաշտպանության կարևորությունը պատերազմական իրավիճակներում։

Ռուզաննա Թանթուշյան, հաղորդակցության մասնագետ, լրագրող, ԱՄՆ, Նյու-Յորք։

Թեմա՝ Ապատեղեկատվության ԱՄՆ փորձի ներկայացում։

Դասընթացի մասնակիցներին հնարավորություն է տրվելու առաջարկել սեփական համայնքում փաստերի ստուգման գաղափարներ և իրականացնել այն՝ ՀԼԱ կողմից կցվող մենթորի՝ փաստերի ստուգման մասնագետների աջակցությամբ։

Հետագայում, երիտասարդների կողմից պատրաստած փաստերի ստուգման նյութերին անդրադարձ կլինի #PowerUp նախագծի շրջանակներում արտադրվող «Ինֆոմեդիա» հաղորդումների շարքում։ Պատրաստելով փաստերի ստուգման նյութեր, երիտասարդները կստանան նաև հոնորարներ։

Իսկ #PowerUp-ն առաջ է գնում՝ հավաքագրելով նոր երիտասարդների և ընդլայնելով համախոհների ցանցը։ Շուտով կհայտարարվեն #PowerUp 2 և #PowerUp 3 փուլերի հայտերի ընդունման մեկնարկը։



Subscribe to our newsletter

Share via
This website uses cookies and asks your personal data to enhance your browsing experience.
Send this to a friend