Արտակարգ դրության ժամանակ մեդիայի աշխատանքն ու մեդիայի վերաբերյալ սահմանափակումները
- Հուլիսի 9, 2020
- Բաժին. Նորություններ
Հետազոտությունը հասանելի է այստեղ:
Ինչպես կառավարությունների կողմից սահմանափակվեց մեդիայի գործունեությունը Հայաստանում և մի շարք այլ երկրներում՝ լրագրողների, ԶԼՄ-ների համար բարդ և հաճախ անհասկանալի դրություն ստեղծելով։
Հանրային լրագրության ակումբը հրապարակում է արտակարգ դրության պայմաններում ԶԼՄ-ների սհամանափակումների վերաբերյալ կատարված հետազոտություն։
«Կովիդ-19. Արագ արձագանքում» ծրագրի շրջանակներում Հանրային լրագրության ակումբի պատվիրակամամբ Հարություն Ծատրյանի
կողմից իրականացվել է հետազոտություն՝ արտակարգ դրության ժամանակահատվածում ԶԼՄ-ներին վերաբերող իրավական փոփոխությունների վերաբերյալ, թե ինչպես կառավարությունների կողմից սահմանափակվեց մեդիայի գործունեությունը Հայաստանում և մի շարք այլ երկրներում՝ լրագրողների, ԶԼՄ-ների համար բարդ և հաճախ անհասկանալի դրություն ստեղծելով։
Հետազոտությունը բաղկացած է մի քանի բաղադրիչներից՝
- Իրավիճակի և առկա դրության նկարագրություն, որտեղ ներկայացվում են արտակարգ դրություն մտցնելու նախադրյալներն ու հիմքերը։
- Մեդիայի աշխատանքի սահմանափակումները Հայաստանում, որտեղ ներկայացվում են մեդիաների նկատմամբ կիրառվող սահմանափակումները, իրավական ձևակերպումները, մեդիայի արձագանքն ու իրավիճակի խնդրահարույց դրույթները։
- Մեդիայի աշխատանքի սահմանափակումն աշխարհում, որտեղ ներկայացվում են աշխարհի այլ երկրներում արտակարգ դրությամբ պայմանավորված փոփոխությունների վերաբերյալ մեթոդաբանական մոտեցումներն ու իրավական կարգավորումներով մտցված սահմանափակումները, առկա է համեմատություն հայաստանյան իրավիճակի հետ։
- Եզրահանգումներ, որտեղ վերլուծական մոտեցմամբ ձևակերպված են հիմնախնդիրները, դրանց վիճահարույց կողմերը և հետևանքները։
Հետազոտությունն իրականացվել է սեղանային հետազոտության միջոցով, որում չկան դաշտային հետազոտական բաղադրիչներ, սոցիոլոգիական հարցումներ և հարցազրույցներ։ Յուրաքանչյուր բաղադրիչում ձևակերպված խնդիրները, իրավակարգավորումներով մտցված սահմանափակումները, կառավարությունների որոշումները, հայաստանյան և միջազգային փորձի վերաբերյալ դիտարկումներն ամփոփված են հստակ փաստերով, որոնք հղում են տալիս նյութի սկզբնաղբյուրին։
Հետազոտությունը բաղկացած է 16 էջից և մատչելի կերպով ներկայացնում է բազմակողմանի, օբյեկտիվ և անաչառ դիտարկումներ արտակարգ դրության ժամանակ մեդիայի աշխատանքի ու մեդիայի վերաբերյալ սահմանափակումների մասին։
Նոր կորոնավիրուսային վարակի տարածմամբ ստեղծված/հայտարարված արտակարգ դրության պայմաններում Հանրային լրագրության ակումբը նախաձեռնեց «Կովիդ-19 արագ արձագանքում» ծրագիրը, որի իրականացման աջակցությունը ցուցաբերեց Բաց հասարակության հիմնադրամներ – Հայաստանը։
Հետազոտությունը հասանելի է այստեղ:
