Նորություններ

Եթե ինձ տրվեր մեկ ժամ՝ մոլորակը փրկելու համար, ես 59 րոպեն կծախսեի խնդիրը սահմանելու և մեկ րոպեն այն լուծելու վրա։

Ալբերտ Այնշթայն

 

Հանրային լրագրության ակումբը թարգմանել, լրամշակել և հրատարակել է «Կատարելագործենք սոցիալական ազդեցությունը» ուղեցույցը, որը կօգնի սոցիալական ձեռներեցներին՝ ուսումնասիրելու և չափելու իրենց ձեռնարկությունների սոցիալական ազդեցությունը և կազմելու հաշվետվություններ իրենց ձեռնարկությունների սոցիալական ազդեցությունը բարելավելու համար։

Սույն ուղեցույցը գրվել է սոցիալական ձեռնարկատերերի համար, որոնք ցանկանում են առավելագույնի հասցնել իրենց դրական ազդեցությունը և դրան հասնելու ճանապարհին գործնական մոտեցման կարիք ունեն: Ազդեցություն ասելով՝ նկատի ունենք մարդկանց կյանքում փոփոխություններ կատարելը: Հնարավոր է՝ դուք արդեն ունեք սոցիալական ձեռնարկություն կամ պատրաստվում եք հիմնելու: Ուղեցույցը երկու դեպքում էլ օգտակար կլինի:

ՆՈՐ ԵՔ ՍԿՍՈՒ՞Մ

Եթե պատրաստվում եք սոցիալական ձեռնարկություն հիմնելու, ուղեցույցը կօգնի.

• հասկանալու սոցիալական խնդիրը, որը ցանկանում եք լուծել,
• մշակելու սոցիալական խնդրի վրա ազդելու համար անհրաժեշտ ռազմավարություն և նպատակներ (հայտնի է նաև որպես «փոփոխության տեսություն»),
• նախագծելու և ժամանակի ընթացքում վերանայելու ձեր գործողությունները (արտադրանք, ծառայություններ, շահերի պաշտպանություն և այլն)՝ առավելագույն սոցիալական ազդեցություն ապահովելու համար,
• մշակելու ազդեցության պլան՝ տվյալներ հավաքելու համար, որպեսզի կարողանաք շարունակաբար կատարելագործվել,
• ծրագրելու տվյալների հավաքումն ու վերլուծությունը՝ հասկանալու համար, թե արդյոք ձեր ռազմավարությունը գործում է և կարող է հանգեցնել այնպիսի առաջարկությունների, որոնք կօգնեն փոփոխելու, դադարեցնելու կամ ընդլայնելու ձեր գործունեությունը:

ԱՐԴԵՆ ԳՈՐԾՈՒ՞Մ ԵՔ

Եթե արդեն ունեք գործող սոցիալական ձեռնարկություն, ուղեցույցը կօգնի.

• ստուգելու՝ արդյոք իսկապես հասկանում եք, թե որ սոցիալական խնդիրն եք ուզում լուծել,
• վերանայելու և անհրաժեշտության դեպքում փոփոխելու այդ խնդրի վրա ազդելու ռազմավարությունն ու նպատակները, եթե կարիք կա,
• փոխելու կազմակերպությունը՝ ձեր նպատակներին հասնելու և կայունություն ապահովելու համար,
• բարելավելու և շարունակաբար վերանայելու ձեր գործողությունները՝ առավելագույն սոցիալական ազդեցության հասնելու նպատակով,
• մշակելու ծառայությունները բարելավելու համար անհրաժեշտ տվյալների հավաքման ծրագիր,
• ծրագրելու տվյալների հավաքում և վերլուծություն՝ հասկանալու համար՝ արդյոք փոփոխությունները գործում են և կարող են հանգեցնել «տվյալների վրա հիմնված առաջարկությունների՝ փոփոխության, դադարեցման կամ ընդլայնման համար»:

 

Ձեռնարկի հիման վրա ՀԼԱ աջակցությամբ Նազարեթ Սեֆերյանը ստեղծել է տեսա-դասախոսությունների շարք։

 

 

 

 

 

Սույն ձեռնարկը և տեսա-դասախոսությունների շարքը ստեղծվել են Եվրոպական միության աջակցությամբ։ Ձեռնարկի և տեսա-դասախոսությունների բովանդակության համար պատասխանատու է Հանրային Լրագրության ակումբը (ՀԼԱ)։ Բովանդակությունը կարող է չհամընկնել Եվրոպական միության տեսակետների հետ։

 

Հետևե՛ք մեզ՝

Ֆեյսբուքում – https://www.facebook.com/publicjournalismclub

Տելեգրամում – https://t.me/pjcarmenia

Ինստագրամում – https://www.instagram.com/publicjournalismclub/

ՏիկՏոկում – https://www.tiktok.com/@pjcarmenia

Լինքդինում – https://www.linkedin.com/company/pjcarmenia/