Նորություններ

«Մեդիա աշխատողների կարիքները տեղեկություններ ստուգելիս և ապատեղեկատվության հետ աշխատելիս» հետազոտությունն անցկացվել է հայաստանյան մեդիա աշխատողների շրջանում՝ տեղեկությունների ստուգման և ապատեղեկատվության հետ աշխատանքի կարիքները բացահայտելու նպատակով։ Հարցման և ֆոկուսխմբային քննարկումների միջոցով ուսումնասիրվել են մայրաքաղաքային և մարզային մեդիայի ներկայացուցիչների փորձը, տեղեկությունների ստուգման ժամանակ հանդիպած դժվարություններն ու դրանք հաղթահարելու մասին նրանց պատկերացումները։

Հետազոտությունն իրականացրել է Մեդիա նախաձեռնությունների կենտրոնը․ այստեղ ամփոփված առաջարկները կօգտագործվեն Հանրային լրագրության ակումբի կողմից՝ «Մեդիա և տեղեկատվական գրագիտության աքսելերատոր» ծրագրի շրջանակում տեխնոլոգիական լուծումներ մշակելու նպատակով:

Հետազոտությունն ամբողջությամբ կարող եք տեսնել այստեղ։

Սույն հետազոտությունը ֆինանսավորվել է ԱՄՆ պետքարտուղարության Հանրային դիվանագիտության գրասենյակի դրամաշնորհի շրջանակներում: Այս հետազոտությունում արտահայտված է հեղինակի դիրքորոշումը, որի համընկնումը ԱՄՆ պետքարտուղարության դիրքորոշման հետ պարտադիր չէ։ Հետազոտությունը կատարել է Մեդիա նախաձեռնությունների կենտրոնը «Մեդիա և տեղեկատվական գրագիտության աքսելերատոր» ծրագրի շրջանակում, որն իրականացնում է Հանրային լրագրության ակումբը։