Հայտարարություններ

Հանրային լրագրության ակումբը (ՀԼԱ), իր գործընկեր կազմակերպություններ «Ինովացիոն լուծումների և տեխնոլոգիաների կենտրոն» հիմնադրամի, Մեդիա նախաձեռնությունների կենտրոնի և Հայաստանում Ամերիկյան խորհուրդների հետ համատեղ, «Մեդիա և տեղեկատվական գրագիտության աքսելերատոր» ծրագրի շրջանակում (մանրամասները հասանելի են այստեղ), 2022 թվականի նոյեմբերի 12-13-ին Հայաստանում՝ Երևանում նախատեսում է անցկացնել հեքըթոն։

Հեքըթոնի մասին․

Հեքըթոնի նպատակն է համախմբել Հայաստանի ՏՀՏ, մեդիա, կրթության ոլորտները և համատեղ ուժերով մշակել տեխնոլոգիական լուծումներ, որոնք կնպաստեն հանրության լայն շրջանակների, մեդիա համայնքի և կրթության ոլորտի մեդիագրագիտությանը, կաջակցեն փաստերի ստուգմանն ու տեղեկությունների ճշգրտման։

Հեքըթոնին մասնակցելու են սթարթափ թիմեր, ՏՀՏ ոլորտի ընկերություններ, մեդիա և կրթության ոլորտների ներկայացուցիչներ։

Հեքըթոնին նախատեսվում է նաև ամերիկյան ՝ մեդիագրագիտությունը, քննադատական մտածողությունն ու փաստերի ստուգումը խթանող տեխնոլոգիական լուծումների և ծրագրերի մասին իրազեկման կոմպոնենտ, որն անցկացնելու համար Հանրային լրագրության ակումբ ՀԿ-ը փնտրում է համապատասխան փորձագետի։

Փորձագետից ակնկալվում է մասնակցել հեքըթոնին, հանդես գալ ելույթով, հեքըթոնի բոլոր թիմերին տրամադրել խորհրդատվություն, խորհրդատվական դերով ներգրավվել հեքըթոնի ժյուրիի կազմում։ Ակնկալվող արդյունքները․

• Ելույթ՝ մինչև մեկ ժամ տևողությամբ (30 րոպե հիմնական խոսք և 30 րոպե հարցուպատասխան)։
• Խորհրդատվության տրամադրում հեքըթոնի ողջ ընթացքում՝ գաղափարներ գեներացնող և դրանց զարգացման ու մշակման վրա աշխատող թիմերին։
• Մենթորական աջակցություն հեքըթոնի ողջ ընթացքում՝ գաղափարների զարգացման ու մշակման վրա աշխատող թիմերին։
• Մենթորական աջակցություն թիմերին՝ ներկայացումների հարցում։
• Խորհրդատվական դերով մրցատյանի կազմում ներգրավվածություն։
• Աջակցություն հեքըթոնի շահառուներին՝ հետհեքըթոնային արտադրանքի մշակման փուլում:

Այս հնարավորությանը կարող են դիմել ինչպես անհատ փորձագետներ, այնպես էլ անհատներ, որոնք ներկայացնում են կրթական, տեխնոլոգիական և մեդիա կազմակերպություններ։ Դիմորդը պետք է ունենա առնվազն հինգ տարվա աշխատանքային փորձ մեդիա և տեղեկատվական գրագիտության, փաստերի ստուգման ոլորտում։

ՀԼԱ-ն ապահովում է միջազգային փորձագետի ճանապարհածախսը, սնունդը և կեցությունը Հայաստանում, նախատեսված է նաև հոնորար։

Դիմելու համար հարկավոր է ուղարկել ինքնակենսագրականը, ինչպես նաև հավելյալ տեղեկություններ աշխատանքային փորձի, համանման գործունեության վերաբերյալ և անհրաժեշտ է կցել ֆինանսական առաջարկ։ Հայտը պետք է ուղարկել մինչև ս․թ․ հոկտեմբերի 15-ը ներառյալ՝ [email protected] էլեկտրոնային փոստի հասցեով՝ թեմա դաշտում նշելով՝ «Keynote_Speaker-NAME_SURNAME»։

Հարցերի դեպքում կարող եք կապվել ՀԼԱ ղեկավար Սեդա Մուրադյանի հետ՝ գրելով նամակ [email protected] էլեկտրոնային փոստի հասցեին։

Ծրագրի նկարագրություն

Հեքըթոնն անցկացվում է «Մեդիա և տեղեկատվական գրագիտության աքսելերատոր» ծրագրի շրջանակում, որն իրականացվում է Հանրային լրագրության ակումբի կողմից՝ ԱՄՆ պետքարտուղարության Հանրային դիվանագիտության գրասենյակի դրամաշնորհի շրջանակում։ Ծրագրի նպատակն է նպաստել Հայաստանում ապատեղեկատվությանը դիմացկուն հասարակության ստեղծմանը՝ քաղհասարակության, մեդիայի կարողությունների զարգացման, հանրային, մասնավոր և պետական ոլորտների միջև կայուն համագործակցության միջոցով, ինչպես նաև տեղեկատվական տեխնոլոգիաների կիրառմամբ։ Ծրագրի մանրամասները հասանելի են այստեղ։