Նախկին Նախագծեր

Ծրագրի անվանում՝  Հետագծեր 

Իրականացնող՝  Հանրային լրագրության ակումբ

Համագործակից՝  Գո Գրուպ Մեդիա 

Աջակից՝  Միջազգային ալերտ  

Ֆինանսավորում՝  Եվրոպական միություն 

Ծրագրի ժամկետներ՝  01.04.2021 – 28.02.2023 

Բյուջեն՝  59.800 եվրո 

«Հետագծեր» ծրագիրը մեկնարկել է 2021 թվականի ապրիլին։ Եռամյա ծրագիրն իրականացվեց Միջազգային ալերտի աջակցությամբ «ԵՄ-ն հանուն խաղաղության» ծրագրի «խաղաղաշինության արդյունքների պահպանում, մեդիա տարածում և նյութերի վերլուծություն» բաղադրիչի շրջանակներում։ 

Ծրագրի նպատակն էր պատմել այն մարդկանց պատմությունները, որոնց կյանքի վրա ազդել են տարածաշրջանային հակամարտությունները: 

Ծրագրի ընթացքում Հայաստանից ու Լեռնային Ղարաբաղից ընտրված լրագրողները պատրաստեցին լրագրողական նյութեր, որոնք հրապարակվեցին Ջեմ Նյուզ կայքի «Հետագծեր» բաժնում։  

Նյութերը վերաբերում էին 2020 թվականի ղարաբաղյան երկրորդ պատերազմին և հետպատերազմյան շրջանին։ Դրանք գրվել են տարբեր ժանրերում՝ մարդկային պատմություններ, ֆոտո պատմություն, բլոգ, տեսանյութ և այլն։ 

Ընդհանուր առմամբ ստեղծվեցին ավելի քան 100 լրագրողական նյութեր և իրականացվեցին մի շարք մեդիա նախագծեր, որոնցից են՝  

20 փոդքասթների ձայնագրում հոգեբանների հետ Լեռնային Ղարաբաղի 2-րդ պատերազմի հոգեբանական ազդեցության վերաբերյալ,

4 վավերագրական ֆիլմերի ստեղծում 2020 թվականի Լեռնային Ղարաբաղի պատերազմը վերապրածների մասին,

4 փոդքասթների ձայնագրում Լեռնային Ղարաբաղի 2-րդ պատերազմում կանանց ներգրավվածության մասին։

Ծրագրի ընթացքում մասնակից լրագրողների համար անցկացվեցին մի շարք հանդիպումներ և սեմինարներ Հայաստանում, Վրաստանում, Մոնտենեգրոյում՝ ուղղված լրագրողների կարողությունների զարգացմանը։