Սոցիալական ձեռներեցություն Հայաստան-Թուրքիա փոխանակման ծրագիր

Առաջին անգամ Հայաստանը ներկայացնող 7 սոցիալական ձեռներեց  մեկ լրագրողի ուղեկցությամբ 2017 թվականի նոյեմբերի 25-ից դեկտեմբերի 8-ը ընկած ժամանակահատվածում Հայաստանից չորսօրյա այցով մեկնեց Թուրքիա՝ ուսումնասիրելու հարեւան երկրում սոցիալական ձեռներեցության ոլորտի զարգացումները, մասնակցելու կարողությունների զարգացմանն ուղղված հանդիպումների, ինչպես նաեւ ձեռք բերելու գործընկերային կապեր։

Հանրային լրագրության ակումբը` Թուրքիայում իր գործընկերներ ՏԵՊԱՎ-ի (Թուրքիայի տնտեսական քաղաքականության հետազոտությունների հիմնադրամ) եւ Միկադո Քընսալթինգի հետ համատեղ Հայաստանում Ամերիկայի Միացյալ Նահանգների դեսպանատան ժողովրդավարության հանձնաժողովի փոքր դրամաշնորհների շրջանակում իրականացրեցին Հայաստանի և Թուրքիայի սոցիալ ձեռներեցներին և սոցիալական ձեռներեցության զարգացմանն ուղղված առաջին փոխանակման ծրագիրը:

Ծրագրի նպատակն էր` կամրջել Հայաստանում եւ Թուրքիայում սոցիալական ձեռներեցներին` նախաձեռնելով երկու հարևան երկրների սոցիալական ձեռներեցների միջև գործընկերային հարաբերությունների ստեղծմանն ուղղված միջոցառումներ, նպաստելով գիտելիքների  փոխանակմանն ու խթանելով տարածաշրջանում սոցիալական ձեռներեցության զարգացումն ու ոլորտի վերաբերյալ լուսաբանումը։

Հայաստան-Թուրքիա փոխանակման ծրագիրը մասնավորապես ներառում էր՝

  1. Ուսումնական այցեր Թուրքիայի հաջողակ սոցիալական ձեռնարկություններ,
  2. Այցելություն Աշոկա Թուրքիա հիմնադրամ և Իմփաքթ Հաբ,
  3. Գործնական կապեր հաստատելու նպատակով կազմակերպված ընդունելություն,
  4. Կարողությունների զարգացման դասընթաց Միկադո Քընսալթինգի աջակցությամբ: Թեմատիկ հիմնական ուղղություններն էին՝ սոցիալական նորարարությունը, սոցիալական ազդեցությունը եւ կայունությունը: Դասընթացը վարեցին Միկադո Քընսալթինգի եւ Աշոկա Թուրքիայի մասնագետները:

Ծրագիրը հնարավորություն տվեց մասնակիցներին.

  • Հմտանալու սոցիալական ազդեցությունը չափելու եւ այդ ազդեցության չափման գործիքներն ու մեխանիզմները կիրառելու գործում:
  • Ստեղծելու գործնական ու մասնագիտական կապեր:
  • Ուսումնասիրելու և դիտարկելու Թուրքիայի և Հայաստանի սոցիալական ձեռներեցների ձեռքբերումները:
  • Փոխանակելու սոցիալական ձեռներեցության ոլորտում երկու երկրների փորձը, քննարկելու մարտահրավերները և հաջողության հասնելու ճանապարհներն ու մեթոդները:
  • Կառուցելու երկու երկրների սոցիալական ձեռներեցների միջեւ գործըկերային ցանց, խթանելու երկու երկրների սոցիալական ձեռներեցության ոլորտների միջև համագործակցությունը:

Հանրային լրագրության մասին

Հանրային լրագրության ակումբը (ՀԼԱ) Հայաստանում գրանցված հասարակական կազմակերպություն է, ստեղծվել է 2011 թ.-ի մարտին:

Հանրային լրագրության ակումբի ծրագրերը նպատակաուղղված են Հայաստանում մարդու իրավունքների ու հիմնարար ազատությունների պաշտպանությանը, նորարար նախաձեռնությունների միջոցով տարածաշրջանում երկխոսության, խաղաղության ու փոխըմբռնման նպաստմանը, ինչպես նաև ժողովրդավարական գործընթացների և քաղաքացիական հասարակության զարգացմանը:

ՀԼԱ առաքելության հիմնարար դրույթներից են նաև մեդիագրագիտությամբ զինված իրազեկ հասարակության ձևավորումը, խոսքի ազատության և բազմակարծութան խթանումը, ինչպես նաև նորարար և համարձակ նախագծերի միջոցով սոցիալական բարեփոխումների իրականացումը:

ՏԵՊԱՎի մասին

«Թուրքիայի տնտեսական քաղաքականության հետազոտությունների հիմնադրամը» (ՏԵՊԱՎ) անկողմնակալ, շահույթ չհետապնդող կազմակերպություն է, որը տեղակայված է Անկարայում (Թուրքիա):

ՏԵՊԱՎ-ը հիմնադրվել է 2004 թվականին` որպես անկախ գիտահետազոտական ինստիտուտ, և հանդիսանում է տնտեսական քաղաքականություն մշակող Թուրքիայի ամեմախոշոր հաստատությունը, որտեղ աշխատում են տաղանդավոր գիտաշխատողներ և փորձագետներ: ՏԵՊԱՎ-ի առաքելությունն է մշակել Թուրքիայի և շրջակա տարածաշրջանի հանրային և մասնավոր հատվածների զարգացմանը նպաստող նորարար քաղաքականության ռազմավարություններ:

ՏԵՊԱՎ-ի գործունեության նպատակն է մրցակցային գործարար միջավայրի ամրապնդումը, Թուրքայում և շրջական տարածաշրջանում տարածաշրջանային զարգացման բարելավումը, ինչպես նաև աջակցությունը միջազգային տնտեսական ինտեգրմանը:

Միկադո Քընսալթինգի մասին

Միկադոն սոցիալական ձեռնարկություն է, հիմնադրվել է 2007 թ.-ի սեպտեմբերին: Այն նպատակաուղղված է ծառայելու կայուն զարգացմանը եւ նորարարական մոդելների եւ լուծումների մշակման միջոցով սոցիալական ազդեցություն գործելու: Միկադոն ձգտում է քաղաքացիական հասարակության, ակադեմիական, հասարակական եւ միջազգային կազմակերպությունների հետ լայն համագործակցության՝  բազմակողմանի զարգացման նպատակով:

Սոցիալական նորարարությունը, սոցիալական ազդեցությունը եւ կայունությունը Միկադոյի հիմնական սյուներն են: Բոլոր ծրագրերի համար մշակվում են մոնիթորինգի եւ գնահատման մեխանիզմներ, եւ չափվում է սոցիալական ազդեցությունը:

Տարբեր ընկերությունների, գիտական հաստատությունների եւ ՀԿ-ների հետ համագործակցությամբ մշակված Միկադոյի բազմաթիվ ծրագրեր արժանացել են զանազան մրցանակների:

Նորություններ

  • Ընտրություններ 2021. դասընթաց լրագրողների և խմբագիրների համար

    ԱԺ արտահերթ ընտրություններին ընդառաջ Մեդիա նախաձեռնությունների կենտրոնը (ՄՆԿ),  Հանրային լրագրության ակումբը (ՀԼԱ)  և Ընտրական համակարգերի միջազգային հաստատության Հայաստանի գրասենյակը (IFES) կազմակերպում են  համատեղ դասընթաց։ Օրակարգում երկու հիմնական թեմաներ են՝ ընտրական գործընթացը և ընտրական օրենսգիրքի փոփոխությունները, ընտրությունների լուսաբանման դժվարություննները՝ հետպատերազմյան  լարվածության և չճշտված տեղեկությունների պայմաններում: Դասընթացը կանցկացվի  մայիսի 7-9-ը Երևանից դուրս՝ հակահամաճարակային կանոոնների  պահպանմամբ։ Այն կվարեն

    Ապրիլի 16, 2021
  • Հայտարարություն սոցիալական ցանցերում լրագրողի հանդեպ սպառնալիքի ու վիրավորանքի վերաբերյալ

                Երեկ՝ ապրիլի 14-ին, Մարդու իրավունքների պաշտպանը հայտարարել է, որ    «Tert.am» կայքի լրագրող Անի Գևորգյանը դիմել է իրեն՝ տեղեկացնելով, որ սոցիալական ցանցերի տարբեր էջերում սպառնալիքներ է ստացել՝ կապված իր մասնագիտական գործունեության հետ։ Մասնավորապես՝ օգտատերերի մի խումբ տարածել է լրագրողի և նրա մանկահասակ երեխայի լուսանկարը՝ ուղեկցող վիրավորական և արժանապատվությունը նվաստացնող տեքստերով: Ի գիտություն ընդունելով, որ

    Ապրիլի 15, 2021
  • #ԵսՄեդիաԳրագետեմ մրցույթի արդյունքներն ամփոփված են

    Նախորդ ամիս ՀԼԱ-ն հայտարարել էր #ԵսՄեդիաԳրագետեմ թեմայով մրցույթ մեդիագրագիտության ուղղությամբ։ Մրցույթին մասնակցել են ՀՀ մի շարք համայնքների երիտասարդներ՝ ներկայացնելով հանրությանն իրազեկելու մեդիանյութի իրենց բաղադրրատոմսը, որտեղ ներկայացնում են մեդիա դաշտի արժանահավատության սկզբունքներն՝ իրենց բարբառով։ Մրցույթի արդյունքներն ամփոփվել են։ Մենք ունենք երկու հաղթող, որոնց նյութերը արժանացել են ժյուրիի հավանությանը։ Մրցույթի արդյունքներով լավագույն երկու նյութերի հեղինակներն են՝ Վահե

    Ապրիլի 8, 2021
  • Հրատապ քայլեր ձեռնարկելու կոչ Արցախ փաստահավաք առաքելություն ուղարկելու պահանջ

    ՅՈՒՆԵՍԿՕ-ի գլխավոր տնօրեն Ն.Գ. տիկին Օդրի Ազուլային Մենք՝ քաղաքացիական հասարակության մի խումբ կազմակերպություններ, հղում կատարելով Մշակութային ժառանգությունը դիտավորյալ ոչնչացնելու մասին ՅՈՒՆԵՍԿՕ-ի 2003 թվականի հռչակագրին, Զինված հակամարտությունների ժամանակ մշակութային արժեքների պաշտպանության մասին 1954 թվականի կոնվենցիային և կից երկու արձանագրություններին, ինչպես նաև ՄԱԿ-ի Անվտանգության խորհրդի 2347 (2017) բանաձևին, դատապարտում ենք Արցախում Ադրբեջանի կողմից հայկական մշակութային և կրոնական

    Ապրիլի 6, 2021
  • Պրակտիկա ՀԼԱ-ում

    Երիտասարդների համար հմտություններ զարգացնելու հնարավորություն Ուզու՞մ ես հմտանալ պրակտիկ աշխատանքի միջոցով։  Ուզու՞մ ես դառնալ մրցունակ աշխատաշուկայում։  Հանրային լրագրության ակումբ ՀԿ-ում կամավորության հնարավորությունը կօգնի և՛ ձեզ, և՛ մեզ։ Դու կզարգացնես քո հմտությունները, կարողությունները մեդիայի, սոցիալական մեդիայի ու լրագրության ուղղությամբ։  Մենք ձեռք կբերենք նոր թիմակցի, ով կօգնի ու կաջակցի մեր կազմակերպությանը՝ հետաքրքիր նախաձեռնություններում։ Դիմեք մեզ, եթե հետաքրքրված

    Ապրիլի 5, 2021

Բաժանորդագրվել Մեդիա կենտրոնի հեռարձակումներին և նորություններին

Share via
Send this to a friend