Հայտարարություններ

«Hack2Check. մեդիա և տեղեկատվական գրագիտության հեքըթոն»-ին ընդառաջ, Հանրային լրագրության ակումբը և Գյումրու տեխնոլոգիական կենտրոնը կազմակերպում են տեղեկատվական հանդիպում՝ հեքըթոնին մասնակցությամբ հետաքրքրված անձանց համար։

Հանդիպումը տեղի կունենա ապրիլի 30-ին, ժամը 16։00-18։00-ին՝ Գյումրու տեխնոլոգիական կենտրոնում (Գյումրի, Գայի 1 փ․)։

Տեղեկատվական հանդիպմանը կարող են մասնակցել ՏՏ ուղղվածությամբ ֆակուլտետների ուսանողներ, ստարտափերներ, ծրագրավորողներ, մեդիա ոլորտի ներկայացուցիչներ, լրագրողներ, մեդիագրագիտության փորձագետներ, ՏՏ ոլորտի ներկայացուցիչներ, ՏՏ անվտանգության մասնագետներ, կրթության ոլորտի՝ մեդիագրագիտության ուղղությամբ մասնագիտացած ներկայացուցիչներ։   

Տեղեկատվական հանդիպմանը կներկայացվեն հեքըթոնին դիմելու մանրամասները, կքննարկվեն Հայաստանում մեդիագրագիտության մարտահրավերները, մասնակիցները հնարավորություն կունենան հարցեր ուղղել կազմակերպիչներին։ Բանախոսները կպատմեն փաստերի ստուգմանն ու մեդիագրագիտությանն ուղղված հայաստանյան բոլոր հարթակների ու գործիքների մասին, որպեսզի հեքըթոնի դիմորդներն իրենց գաղափարները ներկայացնելիս խուսափեն կրկնությունից։

Տեղեկատվական հանդիպմանը մասնակցելու համար պետք է մինչև ապրիլի 28-ը գրանցվել այստեղ։

Բաց մի թողեք հեքըթոնի մասին «առաջին ձեռքից» տեղեկություններ ստանալու հնարավորությունը։

*****

Հեքըթոնը տեղի է ունենալու 2024 թ․ մայիսի 25-26-ին՝ ՀԲԸՄ հայաստանյան գրասենյակում։

Հեքըթոնի լավագույն 3 գաղափարների հեղինակներին շնորհվելու է ընդհանուր 13,200 ԱՄՆ դոլարին համարժեք ՀՀ դրամ` դրանք իրականացնելու համար։  

Տեղեկատվական հանդիպումը կանցկացվի «Hack2Check. մեդիա և տեղեկատվական գրագիտության հեքըթոն»-ի շրջանակում, որն իրականացվում է Հանրային լրագրության ակումբի կողմից՝ ԱՄՆ պետքարտուղարության Հանրային դիվանագիտության գրասենյակի դրամաշնորհի շրջանակում՝ Հայկական բարեգործական ընդհանուր միության հայաստանյան գրասենյակի հետ համագործակցությամբ (ՀԲԸՄ)։

Այս նախաձեռնությանը միացել են նաև մեր գործընկեր կառույցները՝ Հայաստանի ամերիկյան համալսարանը, «Ձեռնարկությունների ինկուբատոր» հիմնադրամն իր Գյումրու և Վանաձորի տեխնոլոգիական կենտրոններով, Մեդիա նախաձեռնությունների կենտրոնը։

Հեքըթոնի բոլոր մանրամասները հասանելի են մեր կայքում և ֆեյսբուքյան էջում։