Հայտարարություններ

Հաստիք՝ Ադմինիստրատիվ օգնական

Վայր՝ Երևան (Սարյան 12)

Վերջնաժամկետ՝ նոյեմբերի 10-ը ներառյալ

Աշխատանքը սկսելու ամսաթիվ՝ անմիջապես

Կազմակերպություն՝ «Հանրային լրագրության ակումբ» ՀԿ (ՀԼԱ)

Դրույք՝ մեկ դրույք

 

Հաստիքի նկարագրություն

Հանրային լրագրության ակումբը փնտրում է ակտիվ, փորձառու և պատասխանատու աշխատակցի՝ կազմակերպության Ադմինիստրատիվ օգնականի և առցանց հեռարձակումների պատասխանատուի թափուր հաստիքը զբաղեցնելու համար։ Մենք փնտրում ենք գործընկերոջ, ով սիրում է աշխատանքը հասարակական ոլորտում, կարողանում է կատարել այն սահմանված ժամկետներում։ Ադմինիստրատիվ օգնականն աշխատելու է կազմակերպության Ծրագրերի ղեկավարի հսկողության ներքո, օգնելու է աշխատակիցներին գործավարական, գնումների գործընթացի և նյութատեխնիկական աշխատանքների իրականացման հարցում՝ ապահովելով գրասենյակի բնականոն և արդյունավետ գործունեությունը։

Աշխատանքային պարտականությունները.

• Իրականացնել կազմակերպչական ու ադմինիստրատիվ աշխատանքներ,
• Իրականացնել ՀԼԱ միջոցառումներից առցանց հեռարձակումներ՝ ՀԼԱ տեխնիկական բազայի հիման վրա,
• Դիմավորել և ուղղորդել գրասենյակի այցելուներին, ապահովել հյուրընկալ մթնոլորտ,
• Պատասխանել զանգերի, վերահասցեավորել դրանք համապատասխան աշխատակցի,
• Հետևել կազմակերպության էլ. փոստի հասցեներին՝ ստացված նամակները պատշաճ բաշխելով աշխատակիցներին,
• Կազմել հանդիպումների ու ժողովների արձանագրություններ,
• Կազմել հանդիպումների ու ժողովների օրացուցային պլաններ` կիրառելով առցանց հարթակներ,

• Տրամադրել ընդհանուր վարչական և տեխնիկական աջակցություն, այդ թվում՝ փաստաթղթերի սքանավորում և պատճենահանում,
• Կազմակերպության միջոցառումների շրջանակում իրականացնել լոգիստիկ աշխատանքներ,
• Իրականացնել կազմակերպության համար անհրաժեշտ նյութատեխնիկական գնումներ,
• Կազմակերպել աշխատակիցների և հյուրերի ճամփորդությունները, կեցավայրերի ամրագրումը,
• Կազմել և պահպանել կոնտակտային տվյալների ցանկեր, համակարգել կոնտակտային բազաները,
• Կազմակերպել գնումների գործընթացը,
• Պահպանել և արխիվացնել ծրագրային ու ընդհանուր ֆայլերը,
• Հետևել գրասենյակի տարածքի, պարագաների և սարքավորումների պատշաճ վիճակին, անհրաժեշտության դեպքում ապահովել դրանք,
• Իրականացնել էլեկտրոնային հաղորդակցություն կազմակերպությանը ծառայություններ մատուցող կառույցների ու ընկերությունների հետ,
• Աջակցել ծրագրային թիմերին կազմակերպչական աշխատանքներում,
• Աջակցել հաղորդակցության թիմին սոցիալական մեդիայի հարթակներում իրականացվող աշխատանքներում,
• Պարբերաբար թարմացնել ՀԼԱ, Մեդիա կենտրոն և ՀԼԱ կրթական հարթակի կայքերը,
• Կատարել գործավարական այլ պարտականություններ,
• Ներգրավվել կազմակերպության համար այդ պահին առաջնահերթ համարվող ծրագրերում՝ համակարգման, ադմինիստրատիվ աշխատանքների ու բովանդակային նյութեր ստեղծելու նպատակով։
• Նպաստել կազմակերպության գործունեության սահուն, անխափան ու պրոֆեսիոնալ աշխատանքին՝ ապահովելով աշխատանքների բարձր որակ, վերջնաժամկետների նկատմամբ հարգանք, հանձնարարությունների նկատմամբ պատասխանատու վերաբերմունք։
• Կազմակերպության ղեկավարի որոշմամբ՝ ներգրավվել այդ պահին առաջնահերթ համարվող ծրագրային գործողություններում։

Պահանջվող որակավորումներ․

• Բարձրագույն մասնագիտական կրթություն,
• Առնվազն 1 տարվա փորձ համապատասխան հաստիքում և/կամ ոլորտում,
• Հայերեն լեզվի գերազանց տիրապետում, անգլերեն և ռուսերեն լեզուների  տիրապետումը կդիտվի որպես առավելություն,
• Կազմակերպչական հմտություններ, կարողություններ, նորը սովորելու ձգտում,
• Գրավոր և բանավոր հաղորդակցության գերազանց հմտություններ,
• Համակարգչային գիտելիքներ՝ Мicrosoft Word, Excel, Forms, և այլն, հիմնական կիրառվող ծրագրերի իմացություն,
• Թիմում աշխատելու ունակություն,
• Ճշտապահության և պատասխանատվության զգացում,
• Քաղաքացիական հասարակության և միջազգային կազմակերպությունների հետ աշխատանքային փորձը կդիտվի որպես առավելություն։

Դիմելու կարգը

Նշված պահանջներին համապատասխանող և հետաքրքրված անձանց խնդրում ենք ուղարկել իրենց ինքնակենսագրականը (CV) և նկարագրական նամակ փորձառության, հմտությունների ու կարողությունների մասին (cover letter) հետևյալ էլ․ հասցեին՝ [email protected]:

Կազմակերպությունը կապ կհաստատի միայն հարցազրույցի համար ընտրված թեկնածուների հետ։

#գործկա #AdminAssistant #ՀԼԱ #PJC