Հայտարարություններ

Հանրային լրագրության ակումբը մեկնարկելու է արտակարգ իրավիճակներում լրագրության և լրագրողների աջակցության նախաձեռնություն, որը նախատեսում է ստեղծել արագ արձագանքման հիմնադրամ Արցախի պատերազմը և  այլ արտակարգ իրավիճակներ լուսաբանող լրագրողների և լրատվամիջոցների աշխատակիցների համար: Հիմնադրամի գործառույթը կլինի ապահովել արագ արձագանք շահառուների կարիքներին արտակարգ իրավիճակներում, ինչպես նաև տրամադրել աջակցություն իրենց մասնագիտական ​​գործունեության արդյունքում ֆիզիկապես կամ հոգեպես տուժած անձանց։

Նախաձեռնությունը նախատեսում է հետևյալ գործողությունները և ոչ միայն՝

• Կազմակերպել դասընթաց միջազգայնորեն ճանաչված կազմակերպության/փորձագետի հետ՝ մասնագիտացած հոգեբանական պաշտպանության կամ հետտրավմատիկ սթրեսային խանգարումների մեջ,
• Դասընթացներ առաջին օգնության տրամադրման, թվային անվտանգություն և պատերազմի լուսաբանում թեմաներով,
• ԶԼՄ-ների կարողությունների զարգացում անվտանգային պրոտոկոլների ուսուցման միջոցով,
• Կազմակերպել թեմատիկ վեբինարներ և պատրաստել մեկ էջանոց ինֆորմացիոն թերթիկներ հոգեբանական պաշտպանության և հետտրավմատիկ սթրեսային խանգարումների մասին  իրազեկումը բարձրացնելու համար։

Աջակցությունը թիրախային կազմակերպելու համար ՀԼԱ-ն հավաքագրում է արցախյան պատերազմը լուսաբանող լրագրողների տվյալներ:

Նախաձեռնության վերաբերյալ մանրամասները ստանալու համար, լրագրողներին խնդրում ենք գրանցվել՝ թողնելով կոնտակտային տվյալները:

*Ծանուցում. Հանրային լրագրության ակումբը հիմնվելով «Անձնական տվյալների պաշտպանության մասին» միջազգային համաձայնագրերի, ՀՀ օրենքի և ենթաօրենսդրական ակտերի վրա տեղեկացնում է, որ ձեր կողմից  մեզ տրամադրված անձնական տվյալները կօգտագործվեն միմիայն ծրագրի նպատակների շրջանակներում՝  ձեզ հետ կապ հաստատելու, նյութերի փոխանակման և հետադարձ կապի ապահովման համար: Հանրային լրագրության ակումբը երաշխավորում է ձեր անձնական տվյալների գաղտնիության պաշտպանությունը և ստանձնում է երրորդ կողմին չփոխանցելու պարտավորությունը:

________________________

Նախաձեռնության վերաբերյալ ձեր հարցերի պատասխանները կարող եք ստանալ՝ գրելով մեզ նամակ՝ [email protected] էլ. փոստի հասցեին, նամակ դաշտում նշելով՝ «Լրագրողների աջակցության նախաձեռնություն»

Մեզ կարող եք հետևել և ծանոթանալ մեր նորություններին՝ հետևելով մեզ սոցիալական տարբեր ցանցերում՝

Instagram – https://www.instagram.com/publicjournalismclub/

Telegram – https://t.me/pjcarmenia

Twitter – https://twitter.com/pjcarmenia

Twitter – https://twitter.com/pjcmediacenter

Youtube – https://www.youtube.com/user/MediaCenterArmenia

Youtube – https://www.youtube.com/user/Pjournalismclub