Աշխատանքի հնարավորություն՝ արցախցի մեդիա բովանդակություն ստեղծողների համար

ՀԱՍՏԻՔԸ՝ Մեդիա մասնագետ, լրագրող, մեդիա բովանդակություն ստեղծող

ԴԻՄԵԼՈւ ՎԵՐՋՆԱԺԱՄԿԵՏԸ` Հունիսի 10-ը ներառյալ

ԿԱԶՄԱԿԵՐՊՈՒԹՅՈՒՆԸ՝ «Հանրային լրագրության ակումբ» ՀԿ

ԴՐՈՒՅՔԸ՝ Լրիվ

 

Հաստիքի նկարագրություն

Հանրային լրագրության ակումբը հնարավորություն է ընձեռելու Արցախից բռնի տեղահանված մեդիա աշխատողներին աշխատել և փորձառություն ձեռք բերել մեր կազմակերպությունում։ Մենք փնտրում ենք գործընկերոջ, որը պատասխանատու է, նախաձեռնող, նորարար և ստեղծագործ, սիրում է աշխատանքը հասարակական ոլորտում, կարողանում է կատարել հանձնարարությունները սահմանված ժամկետներում և նպաստում է թիմում դրական մթնոլորտի պահպանմանը։

Հիմնական պարտականությունները՝

• Ներգրավվել կազմակերպության ընթացիկ ծրագրերում, ինչպես համակարգման, այնպես էլ բովանդակություն ստեղծելու աշխատանքներում։
• Պատրաստել կազմակերպության ծրագրերին առնչվող հաշվետվություններ, հանրային իրազեկման նյութեր, մեդիա բովանդակություն։
• Աջակցել ծրագրային թիմերին կազմակերպչական աշխատանքներում։
• Աջակցել հաղորդակցության թիմին սոցիալական մեդիայի հարթակներում իրականացվող աշխատանքներում։
• Պարբերաբար թարմացնել ՀԼԱ, Մեդիա կենտրոն և ՀԼԱ կրթական հարթակի կայքերը։
• Պարտադիր մասնակցել կազմակերպության կողմից կազմակերպվելիք կարողությունների զարգացման վերապատրաստումներին, դասընթացներին և հնարավորություններին։
• Համագործակցել մենթորների ու խորհրդատուների հետ, որոնք աջակցելու են դիմորդի մասնագիտական կարողությունների աճին։
• Համապատասխան կարողությունների ու փորձի դեպքում ներգրավվել Մեդիա կենտրոնի հարթակով իրականացվող քննարկումներում՝ որպես համակարգող, քննարկումներ ու հարցազրույցներ վարող։
• Համապատասխան դասընթացից հետո ներգրավվել «Մեդիա կենտրոն» նախագծի առցանց հեռարձակումների կազմակերպման ու անցկացման գործընթացներում։
• Նպաստել կազմակերպության գործունեության սահուն, անխափան ու պրոֆեսիոնալ աշխատանքին՝ ապահովելով աշխատանքների բարձր որակ, վերջնաժամկետների նկատմամբ հարգանք, հանձնարարությունների նկատմամբ պատասխանատու վերաբերմունք։
• Կազմակերպության ղեկավարի որոշմամբ՝ ներգրավվել այդ պահին առաջնահերթ համարվող ծրագրային գործողություններում։

Պահանջվող հմտությունները, որակները և փորձը՝

Պարտադիր՝

• Բարձրագույն կրթություն լեզվաբանության, լրագրության, հաղորդակցության կամ համանման այլ ոլորտներում։
• Մեդիա բովանդակություն ստեղծելու առնվազն երկու տարվա աշխատանքային փորձ։
• Լրագրության ոլորտում հարցազրույցներ ու քննարկումներ վարելու առնվազն մեկ տարվա փորձ։
• Microsoft Office փաթեթի հիմնական ծրագրերի իմացություն։

Ցանկալի՝

Սոցիալական մեդիա գործիքների և սոցիալական մեդիայի կառավարման իմացություն։

Վիզուալ նյութերի ու տեսանյութերի պատրաստման կարողություններ։

Նոր գիտելիքներ և կարողություններ ձեռք բերելու պատրաստակամություն։

Օտար լեզուների իմացություն և տիրապետում։

Հաղորդակցման հմտություններ:

Դիմելու կարգը՝

Նշված պահանջներին համապատասխանող և հետաքրքրված անձանց խնդրում ենք ուղարկել իրենց CV-ն  [email protected] էլ․հասցեին՝ վերնագրի (subject) դաշտում գրելով՝ «Արցախցի մեդիա բովանդակություն ստեղծող»։ 

Կազմակերպությունը կապ կհաստատի միայն հարցազրույցի համար ընտրված թեկնածուների հետ։