Հայաստանի լրատվամիջոցների և լրագրողների էթիկական սկզբունքների կանոնագիր
- Հուլիսի 6, 2020
- Բաժին. Նորություններ
Հանրային լրագրության ակումբը կարևորում է ԶԼՄ-ների դիտորդ մարմնի գործունեությունն ու սկզբունքները, որոնք ամրագրված են Հայաստանի լրատվամիջոցների և լրագրողների էթիկական սկզբունքների կանոնագրում։ Հանրային լրագրության ակումբը ևս առաջնորդվում է այդ սկզբունքներով և իր գործունեության ընթացքում իրականացվող լրագրողական նախագծերում առաջնահերթ կարևորություն է տալիս կանոնագրին։
Մենք՝ զանգվածային լրատվության միջոցների ներկայացուցիչներս,
- կարեւորելով հանրության տեղեկացված լինելու իրավունքը եւ ընդգծելով տեղեկացնելու ԶԼՄ-ների պարտականությունը,
- գիտակցելով մասնագիտական եւ բարոյական հնարավորինս բարձր չափանիշների հետեւելու եւ դրանց շուրջ համախմբվելու անհրաժեշտությունը, միաժամանակ՝ չբացառելով լրագրողների՝ բարոյական ընտրության իրավունքը,
- ընդգծելով խմբագրական անկախության պաշտպանության եւ հանրային շահին հակասող որեւէ մասնավոր շահով լրագրողներին չկաշկանդելու անհրաժեշտությունը,
- ընդունելով, որ ԶԼՄ-ներն ու լրագրողները հաշվետու են իրենց լսարանի եւ միմյանց առջեւ,
- արձանագրելով, որ հնարավոր չէ բոլոր դեպքերի համար սահմանել միասնական կանոններ, սակայն կարելի է եւ հնարավոր է պահպանել պրոֆեսիոնալ լրագրության համընդհանուր չափանիշները,
ընդունում ենք հետեւյալ սկզբունքներն ու դրանցից բխող պարտավորությունները՝
- Ճշգրտություն եւ անկողմնակալություն
- Ազնվություն տեղեկությունների աղբյուրների հետ հարաբերություններում
- Խմբագրական անկախություն
- Հարգանք մարդկանց անձնական կյանքի եւ այլ իրավունքների նկատմամբ
- Հարգանք զանազան խմբերի ներկայացուցիչների եւ համամարդկային արժեքների նկատմամբ
- Ազնվություն հանրության հետ հարաբերություններում
- Ազնվություն ընտրությունները եւ հանրաքվեները լուսաբանելիս
Հայաստանի լրատվամիջոցների և լրագրողների էթիկական սկզբունքների կանոնագիրն ամբողջությամբ հասանելի է այստեղ` Հայաստանի լրատվամիջոցների և լրագրողների էթիկական սկզբունքների կանոնագ
