Հայտարարություններ

Գրանցվել՝ https://forms.office.com/r/qzN0QYDnhR

Որակյալ տեքստը ազդեցիկ և ճանաչելի լինելու գրավականն է։ Այսօր գրեթե բոլորն ունեն տեքստեր գրելու և դրանք հանրայնորեն հրապարակելու հնարավորություն, բայց դրանցից քանի՞սն են ազդեցիկ և ի՞նչ չափով։

Հետաքրքրվա՞ծ ես ժամանակակից սոցիալական մեդիայով, հետաքրքրո՞ւմ է տեքստն ու վիդեոարտադրությունը։

• Ինչպե՞ս ստեղծել որակյալ բովանդակություն,
• Ինչպե՞ս առաջխաղացնել բովանդակությունը,
• Սոցիալական մեդիայի մարկետինգային ի՞նչ գործիքներ կիրառել,
• Ինչպե՞ս ստեղծել բովանդակություն՝ ըստ մեր նպատակների․ սկսած բիզնեսից, մինչև հոբբի,
• Ի՞նչ է կրեատիվությունը, արդյոք այն գոյություն ունի, ու եթե այո, ապա ինչպես կարելի է այն «աճեցնել ու վաճառել»,
• Ինչպե՞ս ճանաչել ապատեղեկատվությունը և ստուգել բովանդակությունը։

Այս և մի շարք այլ հարցերի պատասխաններ կգտնեք #PowerUp-ի վարպետության դասընթացին, որը կվարի լրագրող Անահիտ Հակոբյանը։

Անահիտ Հակոբյանը 2013-17 թվականներին սովորել է Երևանի պետական համալսարանի ժուռնալիստիկայի ֆակուլտետում, 2019-ին ավարտել է նույն ֆակուլտետի «PR և հաղորդակցային տեխնոլոգիաներ» մագիստրոսական ծրագիրը։

Աշխատել է հայաստանյան մի շարք լրատվամիջոցներում։

____________

Դասընթացը տեղի է ունենալու ապրիլի 30-ին՝ ժամը 14։00-ին Արմավիրի Նուկ թեյարան-սրճարանում (ք․Արմավիր, Սայաթ Նովա 122)։

Դասընթացը կազմակերպում է Հանրային լրագրության ակումբը «Հայաստանի երիտասարդների հզորացում» ծրագրի շրջանակներում՝ Բաց հասարակության հիմնադրամների աջակցությամբ։

#PowerUp #FightFake #DetectManipulation