Ե՛վ պետական, ե՛վ մասնավոր ոլորտում աշխատանքային իրավունքները խախտվում են
- Հուլիսի 12, 2022
- Բաժին. Նորություններ
Լոռու մարզում աշխատանքային իրավունքի ամենատարածված խախտումներն առնչվում են վերջնահաշվարկի տրամադրմանը, չօգտագործված արձակուրդի փոխհատուցմանն ու աշխատավարձի վճարմանը։ Մասնագետները թվարկվող խախտումներին պարբերաբար հանդիպում են և՛ պետական, և՛ մասնավոր ոլորտներում։
2022թ․-ի հունիսին Լոռու մարզում՝ քաղաք Վանաձորում, Հանրային լրագրության ակումբի կողմից կազմակերպված քննարկմանը մասնագետները ներկայացրել են այն ոլորտները, որտեղ վերոնշյալ խախտումներն ամենից շատն են հանդիպում, նաև պատմել՝ ինչպես և ինչ տեղեկատվության վրա հիմնվելով է Տեսչական մարմինը վարչական վարույթներ հարուցում։
Քննարկման բանախոսներն են՝
- Գագիկ Մազմանյան, ՀՀ առողջապահական և աշխատանքի տեսչական մարմնի Հյուսիսային կենտրոնի աշխատողների առողջության պահպանման և անվտանգության ապահովման վերահսկողության բաժնի ավագ տեսուչ
- Անի Չատինյան, Հելսինկյան քաղաքացիական ասամբլեայի Վանաձորի գրասենյակի իրավաբանական բաժնի համակարգող
Տեսանյութերն ստեղծվել են Ամերիկայի ժողովրդի աջակցությամբ` ԱՄՆ Միջազգային զարգացման գործակալության միջոցով: Այստեղ արտահայտված տեսակետները և նյութերի բովանդակությունը միմիայն Հանրային լրագրության ակումբինն ու ծրագրի գործընկերներինն են և պարտադիր չէ, որ արտահայտեն ԱՄՆ ՄԶԳ կամ ԱՄՆ կառավարության տեսակետները:
