Հայտարարություններ

Հայտերի ներկայացման համար անցեք այս հղումով՝ https://forms.gle/vX1sM7vKpAGWjKqW7

Հանրային լրագրության ակումբը հայտարարում է՝ «Կորոնավիրուս, մենք քեզ չէինք սպասում» խորագրով էսսեների մրցույթ, որին կարող են մասնակցել ավարտական դասարանների աշակերտները և ուսանողները։

Առաջարկում ենք Հայաստանում հայտարարված արտակարգ դրության և ինքնամեկուսացման պայմաններում մտածել ձեր հույզերի ու զգացմունքների մասին, կորոնավիրուսի տարածման արդյունքում առօրյա կյանքում տեղի ունեցած բազում փոփոխությունները վերածել անձնական դատողությունների և շարադրել/ներկայացնել դրանք՝ մասնակցելով մրցույթին։

Էսսեների ներկայացման ձևաչափը ազատ է։ Դուք կարող եք ձեր էսսեն ներկայացնել ստորև բերված տարբերակներից որևէ մեկով՝
– տեքստ (500-800 բառ)
– փոդքասթ (աուդիո/ձայնագրություն), (3-5 րոպե)
– տեսանյութ (վիդեո/տեսագրություն), (2-5 րոպե)

Մրցույթին ներկայացվող էսսեները պետք է լինեն հետևյալ թեմաներից որևէ մեկով՝
1. «Մեկուսացումն աշխարհի հետ հաղորդակցվելու նոր ձև»
2. «Կյանքը կորոնավիրուսի ժամանակ»
3. «Իմ կոչն աշխարհի քաղաքացիներին»

Ամեն թեմայից ընտրված 3 էսսեների հեղինակները կստանան նվեր Հանրային լրագրության ակումբի կողմից, իսկ լավագույն էսսեի հիման վրա կնկարահանվի սոցիալական հոլովակ։

Յուրաքանչյուր մասնակից կարող է ուղարկել ընդամենը մեկ նյութ՝ ընտրված թեմայից և ձևաչափով։

Էսսեների ներկայացման վերջնաժամկետն է 2020թ. ապրիլի 28-ը ներառյալ։ Վերջնաժամկետից հետո ներկայացված էսսեները չեն դիտարկվելու:

Հարցերի դեպքում գրեք մեզ՝
Էլ․ փոստ – [email protected]
ֆեյսբուքյան էջ – https://www.facebook.com/publicjournalismclub/

Այս մրցույթն իրականացվում է Հանրային լրագրության ակումբի կողմից՝ Բաց հասարակության հիմնադրամներ – Հայաստանի աջակացությամբ։