Նորություններ

«Դիմակայե՛նք կլիմայի փոփոխությանը» մրցույթի երկրորդ փուլում, որը տեղի ունեցավ սեպտեմբերի 10-ին, Buro Networking Space-ում, մրցույթի հայտատուները բանավոր կերպով մասնագիտական ժյուրիին ներկայացրին իրենց նախագծերը։

Մրցույթի առաջին փուլում Հանրային լրագրության ակումբը ստացել էր 28 հայտ, որոնցից բանավոր ներկայացման արդյունքում ընտրվել են 10-ը։

Մրցույթի երկրորդ փուլում ընտրված նախագծերի հեղինակներն են՝

1․ Անգին Ծատուրյան
2․ Սերինե Սերոբյան
3․ Նարեկ Ալեքսանյան
4․ Նունե Ավետիսյան
5․ Արտեմ Ղազարյան
6․ Կարինե Կազարովա
7․ Նատալյա Օսյան/ Սոնա Խլոպուզյան
8․ Սոնա Հովսեփյան
9․ Ադրինե Թորոսյան
10․ Լուսինե Գրիգորյան

Մրցույթին ներկայացված հայտերը դիտարկվել են ըստ հետևյալ երեք չափորոշիչների՝

-նախագծերի համապատասխանությունը մրցույթի թեմատիկ շրջանակին,
-հանրային լայն շրջանակների համար թեմային առնչվող հարցերի հասկանալի և մատչելի ներկայացվածությունը,
-օգտագործված մեդիա ժանրերի և գործիքների ընտրությունն ու արդյունավետ կիրառումը։

Ընտրված նախագծերի հեղինակները մրցույթի երրորդ փուլում իրենց աշխատանքներն իրականացնելու համար ստացել են մեդիա մենթորի հետ աշխատելու և պատրաստի աշխատանքը ԶԼՄ-ում հրապարակելու հնարավորություն, ինչպես նաև՝ ֆինանսական աջակցություն։

Չորրորդ փուլում հրապարակման պատրաստ 10 աշխատանքները ներկայացվելու են այլ անդամներից կազմված մասնագիտական ժյուրիի դատին, որն էլ ընտրելու է լավագույն 3 աշխատանքները՝ դրանց հեղինակներին արժանացնելով դրամական պարգևատրման։

«Դիմակայե՛նք կլիմայի փոփոխությանը» մրցույթն իրականանացնում են Հանրային լրագրության ակումբը և Միավորված ազգերի կազմակերպության Զարգացման ծրագիրը՝ «Հարմարվողականության ազգային ծրագիր Հայաստանում» (ՀԱԾ) ՄԱԶԾ-ԿԿՀ ծրագրի շրջանակում։

ՈՒՇԱԴՐՈՒԹՅՈՒՆ

Մրցույթին առնչվող տեխնիկական և բովանդակային բոլոր հարցերի դեպքում կարող եք դիմել Հանրային լրագրության ակումբի լրագրող, ծրագրի համակարգող Սոֆի Թովմասյանին՝ գրելով [email protected] էլ․ փոստի հասցեին։