Հայտարարություններ

 

Եվրոպական միության և Բաց հասարակության հիմնադրամներ-Հայաստանի ֆինանսավորմամբ «Հանրային լրագրության ակումբ»-ը մայիսի 2-ից մայիսի 5-ը ՀԼԱ գրասենյակում (հասցե՝ Երևան, Սարյան 12, 3-րդ հարկ) կազմակերպում է հետաքննական լրագրության դասընթաց՝ Հայաստանի փակ կառույցներում, ինչպես նաև հատուկ խնամքի հաստատություններում, հոգեկան առողջության կենտրոններում  և հատուկ դպրոցներում մարդու իրավունքների իրավիճակի լուսաբանմամբ հետաքրքրված լրագրողների համար:

Միջոցառումը  կազմակերպվում է «Հանրային հայացք՝ փակ աշխարհին․ մարդու իրավունքների իրավիճակը Հայաստանի փակ հաստատություններում» ծրագրի շրջանակում, որն իրականացվում է «Հետաքննող լրագրողներ» ՀԿ-ի հետ համատեղ:

Դասընթացն անցկացնելու է հետաքննական լրագրության ոլորտում տարիների փորձառություն ունեցող լրագրող, Բալկանյան հետաքննական լրագրության ցանցի խմբագիր Միլորադ Իվանովիչը (Սերբիա):

Միլորադ Իվանովիչը հանդիսանում է Հետաքննող լրագրողների միջազգային կոնսորցիումի (ICIJ), Եվրոպական հետաքննական համագործակցության (EIC) անդամ,  համաշխարհային հետաքննական լրագրության ցանցի (GIJN) համահիմնադիր:

Հետևե՛ք ծրագրի ֆեյսբուքյան  էջին՝ դասընթացավարի մասին հավելյալ տեղեկատվություն ստանալու համար:

Դասընթացին հրավիրված են տեղական փորձագետներ, որոնք կկիսվեն իրենց փորձառությամբ և կներկայացնեն՝ Հայաստանում փակ հաստատություններում մարդու իրավունքների իրավիճակը:

Մասնակիցները

• կծանոթանան հետաքննություններ վարելու գործընթացին և բոլոր փուլերին՝ փակ հաստատությունների, ինչպես նաև հատուկ խնամքի հաստատությունների և հատուկ դպրոցների համատեքստում
• կուսումնասիրեն հետաքննական լրագրության հիմնական գործիքները,  մեխանիզմները և էթիկայի կանոնները
• կուսումնասիրեն աղբյուրների հետ աշխատանքը, վարկածների ստուգումը, փաստերի համադրումը
• կծանոթանան Հայաստանի փակ հաստատություններում մարդու իրավունքների ներկայիս իրավիճակին
• Մասնակիցներին կներկայացվի միջազգային լավագույն փորձի օրինակները փակ հաստատություններում մարդու իրավունքների իրավիճակի լուսաբանման վերաբերյալ։
• Մասնակիցներին կներկայացվի Հանրային լրագրության ակումբի հրատարակած փակ համակարգերում մարդու իրավունքների լուսաբանման վերաբերյալ լրագրողական ուղեցույցը։
• Դասընթացի մասնակիցներին հնարավորություն կտրվի դիմել ծրագրի շրջանակներում հայտարարված հետազոտական նյութեր հեղինակելու համար հայտարարված դրամաշնորհային մրցույթին։

Ունե՞ք

• առնվազն 1 տարվա փորձ լրագրության ոլորտում
• դասընթացի թեմայի վերաբերյալ հետաքննական լրագրողական նյութ պատրաստելու պատրաստակամություն
• մարդու իրավունքների խնդիրների լուսաբանման փորձ

Լրացրե՛ք առցանց հայտադիմումը մինչև 2019 թ․ ապրիլի 20-ը։

Հայտը պետք է ներառի [1] նաև՝

• Ձեր ինքնակենսագրականը
• Հրապարակված մինչև երեք նյութ/հոդված մարդու իրավունքների վերաբերյալ, ներառյալ աղբյուրը/հղումը և հրապարակման ամսաթիվը։

Մասնակցությունը դասընթացին անվճար է: Կազմակերպիչները հոգում են մարզերից մասնակիցների տրանսպորտի և կեցության ծախսերը։

Կապահովվի համաժամանակյա թարգմանություն՝ անգլերենից հայերեն։

Եթե ունեք հավելյալ հարցեր, ապա կապ հաստատեք Հանրային լրագրության ակումբի հետ [email protected]ի հետ էլ-փոստով, կամ զանգահարեք 012755898։

 

[1] Պահանջվող բոլոր փաստաթղթերը պետք է վերբեռնել Google Drive՝ գրանցման հայտադիմումում նշելով փաստաթղթի հղումը (URL):