ՀԼԱ-ի Մեդիա կենտրոնը վերսկսում է գրասենյակային աշխատանքները
- Հունիսի 21, 2020
- Բաժին. Նորություններ
Հանրային լրագրության ակումբը արտակարգ դրության ողջ ընթացքում շարունակել է իր աշխատանքները հեռավար սկզբունքով՝ ապահովելով Մեդիա կենտրոնի բոլոր գործառույթները։ Այս ընթացքում Մեդիա կենտրոնն իր հարթակն ու լսարանն է տրամադրել՝ հեռարձակելով Հայաստանում տեղի ունեցող կարևոր իրադարձությունների վերաբերյալ լուսաբանումները, որոնք վերահեռարձակվել են ՀՀ այլ ԶԼՄ-ների կողմից։
Մենք մշտապես ուշադրության կենտրոնում ենք պահում թե՛ երկրում տեղի ունեցող իրադարձությունները, թե՛ արտակարգ դրությամբ և նոր կորոնավիրուսով պայմանավորված իրավիճակի վերաբերյալ փոփոխությունները։
Այժմ մենք աշխատում ենք արտակարգ դրության պայմաններում՝ ապահովելով հակահամաճարակային բոլոր նորմերը, սանիտարահիգենիկ պայմաններն ու կանխարգելիչ միջոցները:
Մեզ մոտ մուտքն ու ելքն ուղեկցվում է՝
✔️ հեռավար ջերմաչափումով և գրանցումով,
✔️ ձեռքերի, կոշիկների ախտահանումով,
✔️ հին դիմակների և ձեռնոցների փոխարինմամբ
✔️ սոցիալական հեռավորության (նվազագույնը 1.5 մետր) պահպանմամբ։ 😷 😊 Մենք հետևում ենք մեր և ձեր առողջությանը))
