Հայտարարություններ

ՀԱՍՏԻՔԸ՝ Նախագծերի համակարգող, խմբագիր

ՎԱՅՐԸ` Երևան, ՀՀ

ՎԵՐՋՆԱԺԱՄԿԵՏԸ` նոյեմբերի 20

ԱՇԽԱՏԱՆՔԸ ՍԿՍԵԼՈՒ ԱՄՍԱԹԻՎԸ՝ անմիջապես։

ԿԱԶՄԱԿԵՐՊՈՒԹՅՈՒՆԸ՝ Հանրային լրագրության ակումբ ՀԿ։

Մենք փնտրում ենք  պատասխանատու գործընկերոջ, որը հետաքրքրասեր է, նորը սովորելու ձգտում ունի, եռանդով լի է և կարող է ներգրավվել պարզ նախաձեռնություններից, մինչև ավելի բարդ ծրագրերի համակարգման գործում։

Մենք փնտրում ենք համապատասխան մասնագետի, որը կմիանա ՀԼԱ թիմին և կներգրավվի կազմակերպության բազմաբնույթ նախագծերի համակարգման աշխատանքներում, ինչպես նաև կկատարի թարգմանչական և խմբագրական գործառույթներ։

Հիմնական պարտականությունները՝

• Կազմակերպել և համակարգել նախագծերը։
• Պլանավորել նախագծերի ընթացիկ գործողությունները և պահպանել ժամկետները։
• Կազմակերպել նախագծերում ներգրավված այլ գործընկերների աշխատանքը, վերահսկել աշխատանքի որակը։
• Կառավարել ռիսկերը և խնդիրները և ձեռնարկել անհրաժեշտ գործողություններ։
• Համակարգել նախագծերի հանրային իրազեկման աշխատանքները։
• Ըստ անհրաժեշտության կազմակերպել առցանց հեռարձակումներ, համակարգել առցանց հանդիպումներն ու վեբինարները (առցանց հեռարձակումը հնարավոր է սովորել նաև ՀԼԱ-ում՝ փորձաշրջանի ընթացքում)։
• Թարմացնել ծրագրերին առնչվող բովանդակությունը ՀԼԱ կայքերում, ինչպես նաև ՀԼԱ սոցիալական էջերում ՝ Թվիթեր, Ֆեյսբուք, Ինստագրամ, Տիկտոկ, Տելեգրամ։
• Պատրաստել ծրագրային ընթացիկ փաստաթղթեր, հիմնականում՝ հայերեն և անգլերեն։
• Կազմակերպել ծրագրային միջոցառումներ և մասնակցել դրանց։
• Անհրաժեշտության դեպքում ներկայացնել կազմակերպությունը աշխատանքային հանդիպումների ժամանակ։
• Համակարգել լոգիստիկ հարցերը։
• Թարգմանել տեքստեր հայերենից անգլերեն և հակառակը ։
• Պատրաստել նկարագրական հաշվետվություններ։
• Մասնակցել ֆոնդահայթայթման գործընթացներին՝ աջակցելով ծրագրային առաջարկների խմբագրմանը, թարգմանությանը։
• Ապահովել կազմակերպության կայքում հրապարակվող բովանդակության անգլերեն թարգմանությունը։
• Համագործակցել կազմակերպության տեղական և միջազգային գործընկերների հետ։
• Կատարել ներգրավված նախագծերից բխող այլ պարտականություններ։

Պահանջվող հմտությունները և փորձը՝

• Բարձրագույն կրթություն կառավարման, լեզվաբանության, ժուռնալիստիկայի կամ հաղորդակցության ոլորտներում։
• Նվազագույնը 3 տարվա համապատասխան աշխատանքային փորձ նախագծերի, ծրագրերի համակարգման/կառավարման ոլորտում։
• Հայերենից անգլերեն և անգլերենից հայերեն թարգմանությունների փորձ։
• Սոցիալական մեդիա գործիքների գերազանց իմացություն, դրանց կիրառման փորձ ՝ աշխատանքային գործընթացքում։
• Microsoft Office փաթեթի հիմնական ծրագրերի իմացություն։
• Տվյալների հետ աշխատելու և կազմակերպությունում հավաքագրվող անձնական տվյալների համակարգման և դրանց գաղտնիությունն ապահովելու կարողություններ։
• Վիզուալ նյութերի (ֆոտո, Canva, գրաֆիկներ, այլ) պատրաստման կարողություններ։
• Վերջնաժամկետների նկատմամբ պատասխանատվություն ու դրանց պահպանում։
• Թիմում աշխատելու կարողություն, աշխատանքում համագործակցային սկզբուներ։
• Խնդիրների՝ խաղաղ ճանապարհով լուծման հմտություններ և կարողություններ։
• Բազմաբնույթ առաջադրանքների կատարման հմտություններ։
• Հաղորդակցման գերազանց հմտություններ։
• Նոր գիտելիքներ և կարողություններ ձեռք բերելու պատրաստակամություն։
• Թեժ և արտակարգ իրավիճակներում աշխատանքի փորձ։
• Գրասենյակային տեխնիկայով աշխատելու կարողություններ։
• Հասարակական, միջազգային կազմակերպություններում աշխատանքը կդիտվի որպես առավելություն։

Ընձեռվող հնարավորությունները՝
ՀԼԱ-ն իր աշխատակիցների համար ստեղծում է նպաստավոր պայմաններ, ապահովում է ստեղծագործական ազատություն և որոշումների կայացման հնարավորություն։ ՀԼԱ-ն աշխատակցին կարող է գործուղել աշխատանքային և մասնագիտական գործողումների՝ ապահովելով անհարժեշտ բոլոր ծախսերի փոխհատուցումը։ ՀԼԱ-ն կխթանի մասնագետի կարողությունների զարգացմանը, մասնագիտական առաջընթացին։ Արդյունավետ համագործակցության պարագայում ՀԼԱ-ն աշխատակցին կընդգրկի այլ նախագծերում։

Դիմելու ընթացակարգը՝

Աշխատանքին դիմելու համար խնդրում ենք ուղարկել Ձեր CV-ն հետևյալ էլ. փոստին` [email protected]: Նամակի վերնագրում խնդրում ենք նշել «Ծրագրերի համակարգող – ԱՆՈՒՆ ԱԶԳԱՆՈՒՆ»։  Խնդրում ենք ինքնակենսագրականում նշել առավելագույնը երեք նախկին ղեկավարների և նրանց կոնտակտային տվյալները, որոնքկարող են ձեզ մասին կարծիք հայտնել։

Կազմակերպությունը կապ կհաստատի միայն հարցազրույցի համար ընտրված թեկնածուների հետ։

Նախնական ընտրությունն անցած դիմորդներին  հնարավորություն է ընձեռվելու  ծանոթանալ աշխատանքային պարտականություններին ու բնույթին, փորձել սեփական ուժերը երկշաբաթյա ժամանակահատվածում։

Ընտրված թեկնածուի հետ կնքվելու է եռամսյա փորձաշրջանի պայմանագիր, ապա աշխատանքային պայմանագիր։

—————————————

Կազմակերպության մասին՝

Հանրային րագրության ակումբը 2011 թվականից գործող հասարակական կազմակերպություն է, որի ուշադրության կենտրոնում է գտնվում հանրության իրազեկվածությունը երկրում տեղի ունեցող իրադարձությունների վերաբերյալ, մեդիագրագիտության և քննադատական մտածողության խթանումը, մեդիա կազմակերպությունների և մեդիա աշխատողների մասնագիտական աջակցությունը, մարդու իրավունքների բարձրաձայնումն ու պաշտպանությունը, ժողովրդավարությանը նպաստող գործընթացների խթանումը։

Հանրային լրագրության ակումբի և կազմակերպության գործունեության ու ընթացիկ ծրագրերի մասին կարող եք ծանոթանալ ՀԼԱ կայքում։