Հայտարարություններ

Կամավորական աշխատանք ՀԼԱ-ում

Լավ դիպլոմ ունենալն այլևս բավարար չէ աշխատանքի առաջարկ ապահովելու համար: Համապատասխան աշխատանքային փորձն այժմ նույնքան արժեքավոր է, որքան ձեր կրթական աստիճանը, երբ խոսքը վերաբերում է հաջող կարիերա կառուցելուն: Հանրային լրագրության ակումբը մեկնարկում է փորձնակության նոր ծրագիր, որը կօգնի ձեզ ձեռք բերել փորձ և զարգացնել հմտություններ մեդիայի, սոցիալական մեդիայի ու լրագրության ոլորտում։

Ի՞նչ կտա ձեզ ՀԼԱ-ում փորձնակության հնարավորությունը։

  • Զարգացնել նոր հմտություններ, որոնք կօգնեն ձեզ ունենալ ավելի մրցունակ CV (ռեզյումե) և ստեղծել կարիերայի նոր հնարավորություններ:
  • Ձեռք բերել նոր գիտելիքները գործնականում կիրառելու ունակություն:
  • Ծանոթանալ աշխատավայրի մշակույթին, քաղաքականություններին և աշխատանքային էթիկայի կանոններին։
  • Ձեռք բերել նոր կապեր և ընկերներ մեդիա ոլորտում։
  • Եվ իհարկե, Սերտիֆիկատ:))

Իսկ մենք ձեռք կբերենք նոր թիմակցի, ով կօգնի ու կաջակցի մեր կազմակերպությանը՝ հետաքրքիր նախաձեռնություններում։ Աշխատանքը հնարավոր է կատարել և՛ հեռավար տարբերակով, և՛ գրասենյակում, աշխատանքային ժամերը և օրերը կորոշենք միասին։

Դիմեք մեզ, եթե հետաքրքրված եք գործնականում կիրառել տեսական գիտելիքները, աշխատանքում ներդնել թարմ մտքեր ու գաղափարներ և հետագայում առավել վստահ անցնել աշխատանքային ուղին։

ՀԼԱ-ում կներգրավվեք նախագծերի համակարգման և ադմինիստրատիվ աշխատանքներում, քննարկումների կազմակերպման և անցկացման աշխատանքներում, սոցիալական ցանցերում բովանդակության ստեղծելու և այլ աշխատանքներում:

 

Ինչպե՞ս դիմել։

Ուղարկի ՛ր ինքնակենսագրականդ [email protected] հասցեին։ Նամակի վերնագրում խնդրում ենք նշել Intern_NameSurname։

 

ՀԼԱ թիմը սիրով սպասում է քեզ։



Բաժանորդագրվել կայքի նորություններին

Share via
Send this to a friend