Դասընթացներ

«Հանրային լրագրության ակումբ» ՀԿ-ն «Ավելի անվտանգ առցանց միջավայր. նախադպրոցական հաստատություններում․ մեդիագրագիտության ուղղությամբ միջամտություն» ծրագրի շրջանակում հուլիսի 9-ին ուղևորվում է դեպի Արմավիրի մարզ մեդիագրագիտության ուղղությամբ մեկօրյա դասընթաց իրականացնելու համար։

Հետաքրքրե՞ց, դե ուրեմն շարունակեք կարդալ և ծանոթանալ մանրամասներին։

Հուլիսի 9-ին՝ ժամը 14։00-ին, Արմավիր քաղաքում տեղի կունենա «Մեդիագրագիտությունը նախադպրոցական գործընթացում» թեմայով մեկօրյա դասընթաց Արմավիրի մարզի ՆՈՒՀ դաստիարակների համար։

Դասընթացը հնարավորություն կտա բացահայտելու մեդիագրագիտության դասավանդման շատ ու շատ հետաքրքիր եղանակներ։

Մեկօրյա դասընթացը մշակվել է սույն ծրագրի շրջանակում թարգմանված ֆիննական ուսումնամեթոդական հետևյալ ձեռնարկների հիման վրա՝

• Մեդիա քարտեզի ճանապարհորդները. կրթական նյութ մեդիայի և հույզերի վերաբերյալ,
• Երեխաները և մեդիան. ձեռնարկ ծնողների և խնամակալների համար,
• Վստահելի տեղեկությունների որոնում. մեդիա կրթության նյութ՝ գիտության և տեղեկատվության մասին։

Դասընթացը կանցկացնեն ՀՊՄՀ դասախոս, մ․թ․գ․ դոցենտ Լուսինե Պողոսյանը և ՀՊՄՀ դասախոս Տաթևիկ Ենոքյանը։

Դասընթացի նպատակը դաստիարակների նախապատրաստումն է մանկապարտեզում և տարրական դպրոցում մեդիատեխնոլոգիաների կիրառմանն ու տարրական դպրոցի աշակերտների մեդիագրագիտության բարձրացմանը:

Այս վերապատրաստումը հնարավորություն կտա գիտակցել մեդիագրագետ երեխաներ կրթելու, քննադատական մտածողությունը խթանելու կարևորությունը, դիտարկել այդ ուղղությամբ կրթական գործընթացները՝ որպես երեխաների ստեղծագործականության, ինքնուրույնության, քննադատական մտածողության խթանման հնարավորություն։

Դասընթացին մասնակցելու համար անհրաժեշտ է անցնել հետևյալ հղմամբ և լրացնել մասնակցության հայտ։

Դասընթացին մասնակցությունն անվճար է։

Դասընթացի մասնակիցները կընտրվեն «Հանրային լրագրության ակումբ» ՀԿ-ի «Ավելի անվտանգ առցանց միջավայր. նախադպրոցական հաստատություններում մեդիագրագիտության ուղղությամբ միջամտություն» ծրագրի համակարգող թիմի կողմից։

 

Լրացուցիչ տեղեկությունների համար կարող եք դիմել Հանրային լրագրության ակումբ՝

📩 [email protected] , [email protected] էլ. Հասցեներով,

📞 +37412 755898, +37499 755898 հեռախոսահամարներով։

 

Հանրային լրագրության ակումբ հասարակական կազմակերպությունը 2020 թվականի սեպտեմբերին մեկնարկել է «Ավելի անվտանգ առցանց միջավայր. նախադպրոցական հաստատություններում մեդիագրագիտության ուղղությամբ միջամտություն»  ծրագիրն, որն իրականացվում է ԱՄՆ դեսպանատան աջակցությամբ: