Հայտարարություններ

#ՆախարարԱրիԽոսենք. ստորագրահավաք՝ հանուն ոստիկանության իրական բարեփոխումների

Հանրային լրագրության ակումբը, Հելսինկյան քաղաքացիական ասամբլեայի Վանաձորի գրասենյակը և «Իրավունքների պաշտպանություն առանց սահմանների» ՀԿ-ն իրականացնում են համատեղ հանրային արշավ՝ ուղղված ոստիկանական բարեփոխումներին։

Արշավի շրջանակում նախաձեռնվել է ստորագրահավաք՝ ուղղված ԱԺ նախագահին, ԱԺ պաշտպանության և անվտանգության, մարդու իրավունքների պաշտպանության և հանրային հարցերի, պետական-իրավական հարցերի մշտական հանձնաժողովներին, որպեսզի կազմակերպվեն ոստիկանության բարեփոխումների վերաբերյալ խորհրդարանական լսումներ, Ներքին գործերի նախարարը հրավիրվի Ազգային ժողով՝ պատասխանելու քաղաքացիների և լրատվամիջոցների ներկայացուցիչների հարցերին, տրամադրի պարզաբանումներ ձախողված բարեփոխումների վերաբերյալ։

✔ Քեզ մտահոգու՞մ է  ոստիկանության շարունակական անգործությունը։

✔ Չե՞ս հանդուրժում իրավապահների կողմից քաղաքացիների խոշտանգումները։

✔ Քեզ անհանգստացնու՞մ է համակարգային կոռուպցիան, թմրաշրջանառության ծավալները, ընտանեկան բռնությունների անտեսման ու ոստիկանության անգործության պատճառով խորացող այլ խնդիրները։

✔ Ցանկանո՞ւմ ես վերահսկել միլիարդավոր դրամները, որոնք ծախսվում են ոստիկանությունը «բարեփոխելու» համար։

Միացի՛ր ստորագրահավաքին․ աջակցի՛ր ԱԺ խորհրդարանական լսումներ հրավիրելու պահանջին։

Արշավի մանրամասներին կարող եք ծանոթանալ ֆեյսբուքյան էջում, ինստագրամյան էջում և տելեգրամյան ալիքում։

____________

Քաղաքացիական հասարակությունը՝ հանուն քաղաքացու արժանապատվության եւ իրավունքի

Civil society stands for citizens’ dignity and rights.
#քաղհասարակությունըքեզհամար #CivilSociety4You #HumanizeTheBadge #ԱրդարացրՈւսադիրդ