Նոր բաղադրատոմս․ պատերազմից հետո հայտնի գաթան
- Փետրվարի 28, 2023
- Բաժին. Նորություններ
Սեդա Առաքելյան
Գաթայի բաղադրատոմսը և հետպատերազմյան պատմությունը։ Հայկ Նավասարդյանի հեղինակած «Երկրորդ հասցե» ֆիլմի հիման վրա:
Արմինեն խոհանոցի սեղանին հերթով շարում է բաղադրիչները՝ ալյուր, կաթ, շաքար, մարգարինի տուփ, երեք ձու, մի պտղունց վանիլին, մի քիչ աղ․․․ Ասում է՝ այսօր պատրաստելու է գաթա, բայց ոչ սովորական։
Հենց այդ պահին վարձով տան բոլոր սենյակներից ամենահարմար խաղալու վայրը դառնում է նեղ խոհանոցը, Արմինեի երեք երեխաները հավաքվում են մոր շուրջն ու աչք չեն կտրում սեղանից։
Լեռնային Ղարաբաղի Հադրութի շրջանում անգամ, որտեղից տեղափոխվել է Արմինեի ընտանիքը, նման գաթա հաճախ չէր, որ կարելի էր հանդիպել։ Երևանում այն շատերն են հավանում, բայց քչերը գիտեն, թե ինչպես է այն պատրաստվում։
Նա մաղում է ալյուրն ու ասում, որ գաթան անուն չունի։ «Շատ հաճախ Արցախում էլ էին զարմանում, թե ինչ բաղադրատոմսով եմ սարքում և ինչ համեղ է ստացվում». ավելացնում է Արմինեն։
Սառան, որ տան մեծ երեխան է՝ հաշվի առնելով խոհանոցում ինչ-որ բան պատրաստելու գործընթացը, կապել է մազերը։ Նրա հասակը սեղանից մի քիչ է բարձր, սակայն դա չի խանգարում օգնել մայրիկին։ Նա նրբանկատորեն բարձրացնում է ձեռքերը, որ չթաթախվի սեղանի ալյուրի մեջ։ Իրենից տարիքով փոքր քույրն ու եղբայրը՝ խոհանոցում չգտնելով իրենց հարմար տեղ, հետ են վազում հյուրասենյակ։
Մինչ այդ Արմինեն մեկ այլ տարայի մեջ լցնում է կես լիտր կաթ, 1,5 բաժակ շաքարավազ, խառնում ու հիշում պատերազմը։
«Ինքնաթիռի ձայն լսեցինք, մտածեցի՝ երեխային գրկեմ, պատուհանից ցույց տամ [ինչպես է թռչում], ու մեկ էլ էդ պահին պայթեց մեր տան դիմացի անտառում։ Ոտաբոբիկ ու կիսատ հագնված դուրս եկանք տնից ու վազեցինք Ալիկի (ամուսնու) տատիկի տուն»։
Շարունակությունն այստեղ։
