Հայտարարություններ

SMM վերապատրաստում անցկացնելու հրավեր #COMS2022-1

SMM գուրո՞ւ եք, ունե՞ք հասարակական կազմակերպությունների հետ աշխատելու փորձ, կցանկանա՞ք ծանոթանալ մեր թիմի հետ և կարճ ժամանակում օգնել թիմին դառնալ SMM-ի փորձառու կիրառողներ․ ուրեմն, մենք սպասում ենք ձեզ։

Հանրային լրագրության ակումբը (ՀԼԱ) հրավիրում է սոցիալական մեդիայի մարկետինգով, կառավարմամբ և առաջխաղացմամբ (SMM), թվային մարկետինգով (DM) և որոնողական համակարգերի օպտիմալացմամբ (SEO) զբաղվող կառույցներին վերապատրաստելու ՀԼԱ աշխատակազմին։

Ի՞նչ ենք մենք ուզում․

  • Սովորել SMM ժամանակակից գործիքներ սոցիալական մեդիայի ամենաժամանակակից հարթակների (Instagram, Tik-Tok, Facebook, Twitter, Telegram, Linkedin, YouTube) համար։
  • Մշակել բովանդակություններ և ադապտացնել դրանք սոցիալական մեդիա դաշտի թրենդներին և լսարանին համապատասխան։
  • Սոցիալական մեդիայում առավել արդյունավետ գտնել լսրանաին և մշակել բանալի ուղերձներ գրավիչ լինելու համար։
  • Կազմել սոցիալական մեդիա արշավի պլաններ և կյանքի կոչել դրանք մեծ հաճույքով։
  • Սովորել գեղեցիկ, գրավիչ և ոճային վիզուալ նյութեր ստեղծել, կոնցեպտուալ մոտեցում ցուցաբերել սոցիալական մեդիայի յուրաքանչյուր հարթակի համար։
  • Կառավարել սոցիալական մեդիայի հարթակները, մշակել սոցիալական մեդիայի կիրառման պլան, կյանքի կոչել այն և իրականացնել արդյունքների գնահատում և վերլուծություն։
  • Ավելի լավ հասկանալ և կիրառել թվային մարկետինգի գործիքները։
  • Սովորել որոնողական համակարգերի օպտիմալացման գործիքներն ու մոտեցումները։
  • Օրգանական ճանապարհով ձեռք բերել մեծ լսարան, դիտողականություն և տեսանելիություն։
  • Ավելի տեսանելի և հեշտ որոնելի լինել սոցիալական մեդիայում և որոնողական համակարգերում։
  • Բարդ թեմաները մատուցել պարզ լեզվով։

Ինչպե՞ս ենք ուզում հասնել այս ամենին․

Մեր թիմը պատրաստ է SMM մասնագետին հյուրընկալել ՀԼԱ գրասենյակում և մասնակցել ինտենսիվ դասընթացների, կատարել գործնական առաջադրանքներ, փորձարկումներ և կիրառել նորարարկան մոտեցումներ։ Մենք բաց ենք ցանկացած առաջարկի, նորարարության, բացահայտումների և արկածների առաջ։

Այլ մանրամասներ․

Դիմորդները կարող են ներկայացնել վերապատրաստման իրենց առաջարկները մինչև 2022 թվականի մայիսի 30-ը՝ 18:00-ն:

Դիմումները պետք է պարունակեն հետևյալ փաստաթղթերը՝

1. Վերապատրաստման պլան, որն իր մեջ կներառի թեմաներ, թեմաների նկարագրություն, ժամանակացույց, կիրառվող մեթոդներ և մոտեցումներ, աշխատանքային գրաֆիկ և այլ մանրամասներ։

2. Գնային առաջարկ, որը պետք լրացված լինի կցված գնառաջարկի ներկայացման ձևաթուղթի համաձայն և պետք է լինի կնքված և ստորագրված։ Առանց կնիքի և ստորագրության ներկայացված առաջարկները մրցույթում չեն դիտարկվելու։

Կից՝ ԳՆԱՅԻՆ ԱՌԱՋԱՐԿ

Դիմորդները կարող են գնառաջարկին և վերապատրաստման պլանին կից ուղարկել այլ փաստաթղթեր ևս․ ծառայությունների մատուցման և սպասարկման ակցիաների, Պատվիրատուին տրվող սպասարկման և այլ առավելությունների վերաբերյալ։

Գնառաջարկները և հավելյալ ներկայացվող փաստաթղթերը պետք է ուղարկել [email protected] էլեկտրոնային փոստի հասցեին՝ թեմա դաշտում նշելով՝ «SMM_Training»:

Հարցերի դեպքում կարող եք կապ հաստատել Պատվիրատուի ներկայացուցչի՝ ՀԼԱ ծրագրերի ղեկավար Ալեքսանդր Մարտիրոսյանի հետ՝ [email protected] էլ․ փոստի միջոցով։



Բաժանորդագրվել կայքի նորություններին

Share via
Send this to a friend