Հայտարարություններ

ՀԱՍՏԻՔԸ՝ Oգնական

ՎԱՅՐԸ` Երևան, ՀՀ

ՎԵՐՋՆԱԺԱՄԿԵՏԸ` նոյեմբերի 24-ը ներառյալ

ԱՇԽԱՏԱՆՔԸ ՍԿՍԵԼՈՒ ԱՄՍԱԹԻՎԸ՝ անմիջապես

ԿԱԶՄԱԿԵՐՊՈՒԹՅՈՒՆԸ՝ Հանրային լրագրության ակումբ ՀԿ

ԴՐՈՒՅՔԸ՝ կես դրույք, (հետագայում՝ լրիվ դույքի հնարավորությամբ)

ՀԱՍՏԻՔԻ ՆԿԱՐԱԳՐՈՒԹՅՈՒՆԸ՝

Հանրային լրագրության ակումբը հայտարարում է Օգնականի թափուր հաստիքի մրցույթ։ Մենք փնտրում ենք գործընկերոջ, որը պատասխանատու է, սիրում է աշխատանքը հասարակական ոլորտում, կարողանում է հանդես գալ նախաձեռնություններով և կատարել իր աշխատանքը սահմանված ժամկետներում։

Օգնականը կազմակերպությունում զբաղվելու է հիմնական ծրագրերի կազմակերպական և հաղորդակցային աշխատանքներով, աջակցելու է թիմի բոլոր անդամներին։

Հիմնական պարտականությունները՝

• Աջակցել կազմակերպության ղեկավարին, ծրագրերի ղեկավարին և համակարգողին՝ ծրագրերի իրականացման գործընթացներում։
• Պլանավորել ծրագրերի ընթացիկ գործողությունները և պահպանել դրանց կատարման ժամկետները։
• Աջակցել բոլոր տեսակի լոգիստիկ, կազմակերպչական հարցերում, կատարել փաստաթղթավորում, արխիվացում, հետևել ծրագրերի փաստաթղթերի պահպանման, հավաքագրման գործընթացներին, կազմակերպել դրանց համակարգումն ու հավաքագրումը։
• Աջակցել հաղորդակցության համակարգողին՝ նրա հանձնարարությամբ իրականացնել գործողություններ, որոնք կաջակցեն ծրագրի հանրայնացմանն ու իրազեկմանը։
• Ըստ անհրաժեշտության կազմակերպել առցանց հանդիպումներ ու վեբինարներ՝ աշխատանքը հեռավար իրականացնելու նպատակով։
• Թարմացնել և/կամ հաղորդակցության համակարգողի հետ հետևողականորեն ապահովել ծրագրերին առնչվող բովանդակությունը ՀԼԱ կայքերում, ինչպես նաև ՀԼԱ սոցիալական էջերում ՝ Թվիթեր, Ֆեյսբուք, Ինստագրամ, Տիկտոկ, Տելեգրամ։
• Պատրաստել ծրագրային ընթացիկ փաստաթղթեր, հիմնականում՝ հայերեն և անգլերեն։
• Կազմակերպել ծրագրային միջոցառումներ և մասնակցել դրանց։
• Անհրաժեշտության դեպքում ներկայացնել կազմակերպությունը աշխատանքային հանդիպումների ժամանակ։
• Կազմակերպել աշխատանքային ժողովներ, պատասխանատու լինել դրանց արձանագրման ու փաստաթղթավորման համար։
• Պատրաստել նկարագրական հաշվետվություններ կատարած աշխատանքի վերաբերյալ։
• Կատարել կազմակերպության ղեկավարի հանձնարարություններից բխող այլ պարտականություններ։

Պահանջվող հմտությունները, որակներն ու փորձը՝

• Բարձրագույն կրթություն կառավարման, լեզվաբանության, ժուռնալիստիկայի, իրավունքի, հաղորդակցության կամ համանման այլ ոլորտում։
• Նվազագույնը 1 տարվա համապատասխան աշխատանքային փորձ հասարակական ոլորտում։
• Ճշտապահություն, բարեվարքություն, ազնվություն ու բարեկրթություն։
• Անգլերենի լավ իմացություն՝ բանավոր և գրավոր։
• Սոցիալական մեդիա գործիքների իմացություն։
• Microsoft Office փաթեթի հիմնական ծրագրերի իմացություն։
• Տվյալների հետ աշխատելու և կազմակերպությունում հավաքագրվող անձնական տվյալների համակարգման և դրանց գաղտնիությունն ապահովելու կարողություններ։
• Վիզուալ նյութերի (ֆոտո, Canva, գրաֆիկներ, այլ) պատրաստման կարողություններ։
• Վերջնաժամկետների նկատմամբ պատասխանատվություն ու դրանց պահպանում։
• Թիմում աշխատելու կարողություն, աշխատանքում համագործակցային սկզբուներ։
• Խնդիրների՝ խաղաղ ճանապարհով լուծման հմտություններ և կարողություններ։
• Բազմաբնույթ առաջադրանքների կատարման հմտություններ։
• Հաղորդակցման հմտություններ։
• Նոր գիտելիքներ և կարողություններ ձեռք բերելու պատրաստակամություն։
• Թեժ և արտակարգ իրավիճակներում աշխատանքի փորձ։
• Հասարակական, միջազգային կազմակերպություններում աշխատանքը կամ երկարաժամկետ աշխատանքային պրակտիկան կդիտվի որպես առավելություն։

Ընձեռվող հնարավորությունները՝
ՀԼԱ-ն իր աշխատակիցների համար ստեղծում է նպաստավոր պայմաններ, ապահովում է ստեղծագործական ազատություն և որոշումների կայացման հնարավորություն։ ՀԼԱ-ն աշխատակցին կարող է գործուղել աշխատանքային և մասնագիտական գործողումների՝ ապահովելով անհարժեշտ բոլոր ծախսերի փոխհատուցումը։ ՀԼԱ-ն կխթանի մասնագետի կարողությունների զարգացմանը, մասնագիտական առաջընթացին։ Արդյունավետ համագործակցության պարագայում ՀԼԱ-ն աշխատակցին կընդգրկի այլ նախագծերում։

Դիմելու ընթացակարգը՝

Աշխատանքին դիմելու համար խնդրում ենք ուղարկել Ձեր CV-ն հետևյալ էլ. փոստին` [email protected]: Նամակի վերնագրում խնդրում ենք նշել «Project Assistant – NAME SURNAME»։ Խնդրում ենք ինքնակենսագրականում նշել առավելագույնը երեք նախկին ղեկավարների և նրանց կոնտակտային տվյալները, որոնք կարող են ձեր մասին կարծիք հայտնել։

Կազմակերպությունը կապ կհաստատի միայն հարցազրույցի համար ընտրված թեկնածուների հետ։

Նախնական ընտրությունն անցած դիմորդներին հնարավորություն է ընձեռվելու ծանոթանալ աշխատանքային պարտականություններին ու բնույթին, փորձել սեփական ուժերը երկշաբաթյա ժամանակահատվածում։

Ընտրված թեկնածուի հետ կնքվելու է եռամսյա փորձաշրջանի պայմանագիր, ապա աշխատանքային պայմանագիր։

—————————————

Կազմակերպության մասին՝

Հանրային րագրության ակումբը 2011 թվականից գործող հասարակական կազմակերպություն է, որի ուշադրության կենտրոնում է գտնվում հանրության իրազեկվածությունը երկրում տեղի ունեցող իրադարձությունների վերաբերյալ, մեդիագրագիտության և քննադատական մտածողության խթանումը, մեդիա կազմակերպությունների և մեդիա աշխատողների մասնագիտական աջակցությունը, մարդու իրավունքների բարձրաձայնումն ու պաշտպանությունը, ժողովրդավարությանը նպաստող գործընթացների խթանումը։

Հանրային լրագրության ակումբի և կազմակերպության գործունեության ու ընթացիկ ծրագրերի մասին կարող եք ծանոթանալ ՀԼԱ կայքում։

#գործկա #ՀԼԱ #PJC