Հայտարարություններ

Վլոգինգը փոխել և փոխում է աշխարհը։  

Իսկ դու ուզո՞ւմ ես լինել հաջողված վլոգեր Հայաստանում։ 

Տեսնո՞ւմ ես քեզ տեսախցիկի առաջ՝ կարևորի մասին խոսելիս։ 

Եթե այո, ապա այս հնարավորությունը քե՛զ համար է, քո՛ ընկերների ու քո շրջապատում ապրող ու ստեղծագործող բազմաթիվ այլ երիտասարդների համար է։ 

#PowerUp-ը գալիս է Արմավիր՝ տեղի երիտասարդներին ներկայացնելու վլոգեր Հայկ Մկրտչյանին, ով կկիսվի իր փորձառությամբ ու հմտություններով։ 

Վոլգինգը Հայաստանում արագորեն զարգացող ուղղություն է։ Վոլգինգի միջոցով երիտասարդենրը խոսում են իրենց անհանգստացնող խնդիրների մասին, մշակույթի, հոբբիների, ստեղծագործելու ու բազմաթիվ այլ թեմաներից։  

Դասընթացին Հայկը կխոսի հետևյալ հարցերից` 

• Ի՞նչ է վլոգինգը և ինչպիսի՞ հմտություններ է այն պահանջում, 

• Ինչպիսի՞ն պիտի լինի վլոգերը, ո՞ր հատկանիշներն են կարևոր, 
• Ինչպե՞ս ճիշտ ներկայանալ լսարանին, 
• Ինչպե՞ս ստեղծել սեփական վլոգի բրենդինգը, 
• Ի՞նչ գործիքներ և հարթակներ կիրառել վլոգինգի արդյունավետության համար։ 

Դասընթացը տեղի է ունենալու մարտի 25-ին՝ ժամը 12։00-ին Արմավիրի Նուկ թեյարան-սրճարանում (ք․Արմավիր, Սայաթ Նովա 122)։ 

Դասընթացը կազմակերպում է Հանրային լրագրության ակումբը «Հայաստանի երիտասարդների հզորացում» ծրագրի շրջանակներում՝ Բաց հասարակության հիմնադրամների աջակցությամբ։ 

Հարցերի դեպքում կարող եք գրել մեր ֆեյսբուքյան և ինստագրամի էջին կամ ուղարկել նամակ՝ [email protected] էլ․ փոստին։ 

#PowerUp #FightFake #DetectManipulation