Նորություններ

Միջազգային իրավունքում մի քանի փաստաթղթեր լրագրողների անվտանգության ապահովման հարցում ունեն շրջանակային նշանակություն և կոչված են ապահովելու անվտանգ միջավայրի համար նպաստավոր պայմաններ։ Դրանք հետևյալն են՝ Մարդու իրավունքների համընդհանուր հռչակագիր, Ժնևի համաձայնագրերը (Ժնևի համաձայնագրեր ընդհանուր անվամբ կոչվում են չորս պայմանագրեր և երեք լրացուցիչ արձանագրություններ, որոնք սահմանում են պատերազմում մարդասիրական վերաբերմունքի միջազգային իրավունքի ստանդարտները), Քաղաքացիական և քաղաքական իրավունքների միջազգային դաշնագիրը, ՄԱԿ-ի Մարդու իրավունքների հանձնաժողովի 2005/81 բանաձևը, ՄԱԿ-ի Անվտանգության խորհրդի 1738 (2006) բանաձևը։

Այս հղմամբ կարող եք բեռնել և ծանոթանալ Հանրային լրագրության ակումբի կողմից իրականացվող «Արագ արձագանքման ֆոնդ նախաձեռնություն» ծրագրի շրջանակում Հանուն ժողովրդավարության եվրոպական հիմնադրամի աջակցությամբ ստեղծված ձեռնարկները՝ «Բարձր ռիսկային միջավայրերում աշխատող լրագրողների անվտանգության խորհրդատվական հրապարակում/քաղաքականություն խմբագրությունների համար» և «Լրագրողների անվտանգության ապահովման գործիքներ»։