Նորություններ

«Վավերագրելով արդարադատությունը և մարդու իրավունքների իրավիճակը»․ Կարժամետրաժ ֆիլմերի պատրաստման մրցույթի արդյունքներ

Հանրային լրագրության ակումբը «Արդարացի դատաիրավական բարեփոխումներ» ծրագրի շրջանակում ս․թ․ ապրիլի 15-ին հայտարարել է 2022թ․ կարճամետրաժ վավերագրական ֆիլմերի պատրաստման բաց մրցույթ, որի ընթացքում ստացված հայտերը գնահատվել են ծրագիրն իրականացնող Կոնսորցիումի անդամ կազմակերպությունների կողմից։

Կոնսորիցիումի անդամ կառույցներն են՝

  • Բաց հասարակության հիմնադրամներ (ԲՀՀ) Հայաստան,
  • Հելսինկյան քաղաքացիական ասամբլեայի Վանաձորի գրասենյակ (ՀՔԱՎ) ՀԿ,
  • Իրավունքների պաշտպանություն առանց սահմանների (ԻՊԱՍ) ՀԿ,
  • Հանրային լրագրության ակումբ (ՀԼԱ) ՀԿ:

Ստացված հայտերի գնահատման գործընթացը և հանձնաժողովի աշխատանքները անցկացվել են ՀԼԱ կողմից բաց մրցույթների վարման և արդյունքների գնահատման ու ամփոփման ընթացակարգին համապատասխան։

Գնահատման չափանիշները ներկայացված են մրցույթի հայտարարությունում։

Հանձնաժողովի կողմից կատարած գնահատումն ամփոփվել է համապատասխան արձանագրությամբ և ենթակա չէ բողոքարկման։

Ըստ սահմանված վերջնաժամկետի, որն էր ս․թ․ մայիսի 23-ը, ստացվել է 9 հայտ։

Շահերի բախումից խուսափելու նպատակով Հանրային լրագրության ակումբը չի ընդգրկվել հանձնաժողովի կազմում՝ որպես գնահատող կառույց։

Հանձնաժողովի կողմից վերանայվել են ներկայացված հայտերի համապատասխանությունը և բովանդակային որակը ծրագրային կարիքներին և առաջնահերթություններին։ Հայտերի վերանայման արդյունքում հանձնաժողովը միաձայն որոշում է կայացրել չաջակցել ծրագրով նախատեսված լավագույն 5 հայտերին՝ ելնելով ստացված առաջարկների բովանդակությունից և ծրագրային առաջնահերթությունների անհամապատասխանությունից։ Հանձնաժողովը կայացրել է որոշում աջակցել առավելագույն միավոր հավաքած երկու դիմորդներին իսկ մյուս աշխատանքների առաջարկներն ընդունել պատվիրակման սկզբունքով։

Մրցույթի արդյունքում ստացված առաջարկների զարգացման նպատակով և հանձնաժողովի գնահատման համաձայն ստորև ներկայացված երկու դիմորդներին հնարավարություն է տրվելու լրամշակել ներկայացված առաջարկները և դրանք առավելագույնս համապատասխանեցնել ծրագրով նախատեսված խնդիրներին և շահառուների կարիքներին, որից հետո դրանց վերաբերյալ կկայացվի հավելյալ որոշում։

  • Լիլիթ Հովհաննիսյան – 53 միավոր
  • Նարեկ Կիրակոսյան – 46 միավոր

«Արդարաացի դատաիրավական բարեփոխումներ» ծրագրի շրջանակում վավերագրական կարճամետրաժ ֆիլմերի մրցույթի հաջորդ փուլերը կհրապարակվեն 2023 և 2024 թվականների ծրագրային շրջափուլերում։

ՀԼԱ-ն իր շնորհակալությունն է հայտնում բոլոր դիմորդներին ցուցաբերված հետաքրքրության և մրցույթին մասնակցություն ցուցաբերելու համար։

—————————
Կոնսորցիումի և ծրագրի մասին

«Արդարացի դատաիրավական բարեփոխումներ» ծրագիրն իրականացվում է Բաց հասարակության հիմնադրամներ (ԲՀՀ) Հայաստանի գլխավորությամբ ձևավորված կոնսորցիումը, որի անդամներն են՝ Հելսինկյան քաղաքացիական ասամբլեայի Վանաձորի գրասենյակը (ՀՔԱՎ), Իրավունքների պաշտպանություն առանց սահմանների (ԻՊԱՍ) ՀԿ-ն և Հանրային լրագրության ակումբը (ՀԼԱ):

Ծրագիրը նպատակ ունի նպաստել արդարադատության ոլորտի բարեփոխումների բարեվարքությանը՝ խթանելով գործընթացների հաշվետվողականությանը, թափանցիկությանը և վերահսկողությանը։



Բաժանորդագրվել կայքի նորություններին

Share via
Send this to a friend