Հանրային լրագրության ակումբը մշակել և թարգմանել է մի շարք մեթոդական նյութեր, ուսուցողական ձեռնարկներ և մեդիագրագիտությանն առնչվող մանկական գրքեր, որոնք կարող են կիրառվել դպրոցներում, մանկապարտեզներում, ինչպես նաև համայնքային կրթական նախաձեռնություններում:

Հասանելի ռեսուրսները`

• Կրթության և վերապատրաստման միջոցով ապատեղեկատվության դեմ պայքարի և թվային գրագիտության խթանման ուղեցույց ուսուցիչների և դասավանդողների համար

• «Առցանց կենդանաբանական այգի» մանկական գիրք

• «Առցանց կենդանաբանական այգի» մանկական գրքին կից մեդիագրագիտության ուղեցույց

• Ուսումնամեթոդական ձեռնարկ՝ նախադպրոցական ուսումնական հաստատությունների մանկավարժական աշխատողների համար

• Դաստիարակի ձեռնարկ․ մեդիա և տեղեկատվական գրագիտությունը նախադպրոցական կրթության մեջ

• Մեդիա և տեղեկատվական գրագիտություն՝ սովորել չդադարողների համար

• «Թվային պոչ» մանկական գիրք

• «Լինում է, չի լինում․․․առցանց» մանկական գիրք

• «Կըտ-կըտ ճուտիկը» մանկական գիրք

• Վստահելի տեղեկությունների որոնում․ ուսումնամեթոդական ձեռնարկ

• Մեդիա քարտեզի ճանապարհորդները․ կրթական նյութ մեդիայի և հույզերի վերաբերյալ

• Երեխաները և մեդիան․ ձեռնարկ ծնողների և խնամակալների համար

Ինչպե՞ս օգտագործել

Ռեսուրսները կարող են կիրառվել՝ դասաժամերի և պարապմունքների ընթացքում, գրադարաններում և կրթական կենտրոններում միջոցառումներ կազմակերպելիս, ընտրված թեմաների շուրջ քննարկումներ ու խաղային վարժանքներ անցկացնելիս, գրքերի ընթերցանության ժամին։ Բոլոր նյութերն անվճար են, հասանելի են առցանց և թույլատրվում են օգտագործել կրթական նպատակներով։

Մեդիագրագիտության շաբաթը միջազգային նախաձեռնություն է, որ ՅՈՒՆԵՍԿՕ-ի գլխավորությամբ անցկացվում է ամեն տարի աշնանը՝ նպատակ ունենալով ավելի մեծ ուշադրություն հրավիրել մեդիան հասկանալու, վերլուծելու, գրագետ և արդյունավետ օգտագործելու կարևոր խնդիրների վրա։

Հայաստանում Մեդիագրագիտության շաբաթն անցկացվում է արդեն ութերորդ անգամ, այս տարի՝ «Մեդիագրագիտություն և պատասխանատու թվային քաղաքացիություն» խորագրի ներքո։ Մեդիագրագիտության շաբաթն անցկացվում է Մեդիա նախաձեռնությունների կենտրոնի և ՀՀ կրթության գիտության, մշակույթի և սպորտի նախարարության կողմից։