Հայտարարություններ

Մեդիագրագիտությունը ժամանակակից հասարակության պարտադիր պայման է։ Իսկ մեդիա տեխնոլոգիաները՝ կյանքի անբաժանելի մասը: Մեդիագրագետ դաստիարակները մեդիադիատեխնոլոգիաներն արդյունավետ կիրառելով կարող են նպաստել աշակերտների՝ հասարակության անդամների մեդիակոմպետենցիաների ձևավորմանը:

 

«Հանրային լրագրության ակումբ» ՀԿ-ն «Ավելի անվտանգ առցանց միջավայր. նախադպրոցական հաստատություններում մեդիագրագիտության ուղղությամբ միջամտություն» ծրագրի շրջանակում կազմակերպում է մեդիագրագիտության ուղղությամբ դասընթացների շարք՝ նախադպրոցական կրթական հաստատությունների դաստիարակների համար:

Դասընթացներն անցկացնելու է մանկավարժական գիտությունների թեկնածու, դոցենտ Լուսինե Պողոսյանը:

Մեդիագրագիտության դասընթացների շարքը մշակվել է սույն ծրագրի շրջանակում թարգմանված ֆիննական ուսումնամեթոդական հետևյալ ձեռնարկների հիման վրա՝

• Մեդիա քարտեզի ճանապարհորդները. Կրթական նյութ մեդիայի և հույզերի վերաբերյալ
• Երեխաները և մեդիան. Ձեռնարկ ծնողների և խնամակալների համարծ
• Վստահելի տեղեկությունների որոնում. Մեդիա կրթության նյութ՝ գիտության և տեղեկատվության մասին

Դասընթացի նպատակը դաստիարակների նախապատրաստումն է մանկապարտեզում և տարրական դպրոցում մեդիատեխնոլոգիաների կիրառմանն ու տարրական դպրոցի աշակերտների մեդիագրագիտության բարձրացմանը:

Դասընթացները հնարավորություն կտան դաստիարակներին գիտակցել մեդիագրագետ սերունդ ունենալու անհրաժեշտությունը, դիտարկել այն որպես երեխաների ստեղծագործականության, ինքնուրույնության, քննադատական մտածողության, տեղեկատվական հոսքերում կողմնորոշվելու կարողության ձևավորման կարևորագույն պայման:

Դասընթացները տեղի կունենան հետևյալ օրերին՝

• ապրիլի 3, 10։00-18։00,
• ապրիլի 10, 10։00-18։00,
• ապրիլի 11, 10։00-18։00

Ուշադրություն․Մասնակցության հայտեր ներկայացնելու գործընթացը փակ է։ Մասնակցության հայտերն էլեկտրոնային փոստի միջոցով կուղարկվեն միայն սույն ծրագրի շրջանակում Շերրի Քուլվերի բոլոր 4 վեբինարներին արդյունավետ մասնակցություն և ներգրավվածություն ցուցաբերած մասնակիցներին։

Դասընթացներին հնարավորություն կստանան մասնակցել 20 դաստիարակներ։

Դասընթացների մասնակիցները կընտրվեն «Հանրային լրագրության ակումբ» ՀԿ-ի «Ավելի անվտանգ առցանց միջավայր. նախադպրոցական հաստատություններում մեդիագրագիտության ուղղությամբ միջամտություն» ծրագրի համակարգող թիմի կողմից։

Մասնակիցների ընտրության հիմք է հանդիսանալու հայտատուի ներկայացրած մոտիվացիոն նամակը, ներառյալ follow-up ծրագրի առաջարկը։

Դասընթացներին մասնակցությունն անվճար է։

Լրացուցիչ տեղեկությունների  համար կարող եք դիմել Հանրային լրագրության ակումբ ՀԿ [email protected] , [email protected] էլ. հասցեներով կամ  +37412 755898, +37499 755898 հեռախոսահամարներով։

 

Հանրային լրագրության ակումբ հասարակական կազմակերպությունը 2020 թվականի սեպտեմբերին մեկնարկել է «Ավելի անվտանգ առցանց միջավայր. նախադպրոցական հաստատություններում մեդիագրագիտության ուղղությամբ միջամտություն»  ծրագիրն, որն իրականացվում է ԱՄՆ դեսպանատան աջակցությամբ։