«Մեդիագիտակ» խաղը՝ Շրջակա միջավայրի նախարարության Օրհուս կենտրոնում
- Ապրիլի 25, 2022
- Բաժին. Նորություններ
Փետրվարի 25-ին Հանրային լրագրության ակումբի Ծրագրերի ղեկավար Ալեքսանդր Մարտիրոսյանը Շրջակա միջավայրի նախարարության Օրհուս կենտրոնում կազմակերպել և վարել է մեդիագիտակ խաղը՝ Ճգնաժամային կառավարման պետական ակադեմիայի ուսանողների համար՝ Երկիր մոլորակի օրվա կապակցությամբ։ Նա նաև խաղը նվիրել է ակադեմիային և Օրհուս կենտրոնին։
Հիշեցնենք, որ «Մեդիագիտակ» մեծահասակների համար մեդիագրագիտության սեղանի խաղի նպատակն է խթանել մեդիագրագիտության վերաբերյալ համակարգված գիտելիքների ձեռքբերումը, հմտությունների ձևավորումը և վարքագծի փոփոխությունը։ Խաղի հիմնական նպատակն է նպաստել մեծահասակների մեդիագրագիտության և քննադատական մտածողության զարգացմանը։
Սեղանի խաղը ստեղծվել է ԱՅԼԿԵՐՊ ընկերության հետ համագործակցությամբ՝ Հանրային լրագրության ակումբի պատվերով։
Սեղանի խաղը ստեղծվել է «Մեծահասակների հզորացում մեդիագրագիտությամբ» ծրագրի շրջանակում, որն իրականացվում է Դի-Վի-Վի Ինթերնեյշնալի հայաստանյան գրասենյակի և Հանրային լրագրության ակումբի կողմից Գերմանիայի արտաքին գործերի նախարարության աջակցությամբ։
Խաղի մասին ավելին՝ այստեղ։
