Հայտարարություններ

Դարձի՛ր մեդիագրագիտության հմտություններով զինված և ստեղծի՛ր վստահության հեղինակություն։

Մեդիագրագիտությունը և քննադատական մտածողությունն օգնում են մեզ կողմնորոշվել տեղեկատվական հոսքերում, տարանջատել թացը չորից, վերլուծել բովանդակությունն ու չենթարկվել մանիպուլյացիաների։

Այս ամենն ավելի հեշտ է անել, երբ կողքիդ կանգնած են ոլորտի լավագույն մասնագետները և տարիքակից ընկերներդ՝ Հայաստանի տարբեր մարզերից։

————————
Հանրային լրագրության ակումբը «Հայաստանի երիտասարդների հզորացում» ծրագրի շրջանակներում հայտարարում է մեդիագրագիտության, քննադատական մտածողության և ապատեղեկատվության դեմ պայքարի երռօրյա աշխտաժողովի հայտերի ընդունում։

Մասնակցելով այս ծրագրին՝ դու կարող ես դառնալ վստահելի առաջնորդ, մեդիագրագետ և պայքարել ապատեղեկատվության դեմ։

Ծրագրում ընտրված մասնակիցներին կընձեռնվի բազմաթիվ հնարավորություններ, որոնք կհզորացնեն երիտասարդների կարողություններն ու հմտությունները։ Մասնակիցները նաև կընդգրկվեն  առցանց հաղորդման պատրաստման գործընթացում։

Արդյունքում դու ձեռք կբերես՝

• Փաստերի ստուգման և տեղեկությունների ճշգրտման հմտություններ։
• Սեփական համայնքում ապատեղեկատվության դեմ պայքարելու հմտություններ։
• Հաղորդումների ստեղծման հմտություններ։
• Բովանդակությունների վերլուծման և մանիպուլյացիաների հայտնաբերման հմտություններ։
• Սոցիալական ցանցերում առավել ակտիվ և ազդեցիկ լինելու, լսարանի հետ տարվող արդյունավետ աշխատանքների հմտություններ։

Իսկ այս ամենն անելու համար դու կունենաս համախոհ տարիքակիցներ, ոլորտում մասնագիտացած լավագույն մասնագետների աջակցություն և ուժերդ ու կարողություններդ փորձելու բազմաթիվ նախաձեռնություններ։

Ծրագիրը քեզ կտա բազմաթիվ այլ հնարավորություններ ևս՝

• Երիտասարդները կկարողանան մասնակցել դասընթացների և վարպետության դասերի։
• Երիտասարդները կստեղծեն փաստահեն մեդիա նյութեր։
• Կմասնակցեն առցանց մրցույթների և մարտահրավերների։
• Լավագույնները հնարավորություն կունենան հեղինակել նյութեր և դիտարկվել«Հետք» մեդիա գործարանի հետ համագործակցելու համար։

Ովքե՞ր կարող են մասնակցել այս ծրագրին

Այս փուլում ծրագրին կարող են մասնակցել Շիրակի, Լոռու և Արմավիրի մարզերի երիտասարդները, ովքեր հետաքրքրված են մեդիայով, լրագրությամբ, սոցիալական ցանցերով, մեդիա արտադրությամբ, բովանդակությունների և լսարանների հետ տարվող աշխատանքներով, ՍՄՄ-ով, ապատեղեկատվության և կեղծ լուրերի դեմ պայքարով, առաջնորդությամբ և սոցիալական ցանցերում վստահելի հեղինակություն կառուցելով։

Ինչպե՞ս մասնակցել ծրագրին

Հայտը լրացնելու համար պարտադիր է ունենալ Ջիմեյլ։

Ծրագրին մասնակցելու համար երիտասարդները պետք է լրացնեն առցանց հայտ, իսկ հարցերի դեպքում պետք է կապվեն իրենց մարզային համակարգողի հետ՝

• Շիրակի մարզ, Սոնա Սարգսյան, էլ․ փոստ՝ [email protected]հեռ․՝ 077 841 939
• Լոռու մարզ, Վարդուհի Անանյան, էլ․ փոստ՝[email protected] հեռ․՝ 095 901 212
• Արմավիրի մարզ, Սուսաննա Մատինյան, էլ․ փոստ՝[email protected] հեռ․՝ 098 554 406

Հայտերի գնահատումը տեղի է ունենալու հետևյալ չափորոշիչներով՝

• Ծրագրի մասնակցության շարժառիթը՝ աուդիոֆայլով կամ վիդեոֆայլով՝ 6 միավոր։
• Ազդեցիկ ապատեղեկատվության մասին նյութի հղում՝ 3 միավոր։
• Ապատեղեկատվության դեմ պայքարի համայնքային փոքրիկ գաղափարի առաջարկ՝ 6 միավոր։

Հայտերի ընդունման վերջնաժամկետը հունիսի 21-ն է։

Եռօրյա դասընթացը տեղի է ունենալու 2021 թվականի հուլիսի 2-ից 4-ը՝ Ծաղկաձորում։

Կազմակերպիչները կհոգան մասնակիցների տեղափոխման, կեցության և միջոցառման հետ կապված բոլոր ծախսերը։

Ծրագրի վերաբերյալ մանրամասներին կարող եք ծանոթանալ՝ անցնելով ՀԼԱ կայք։

Ծրագրի հետ կապված հարցերով կարող եք դիմել՝ Հանրային լրագրության ակումբի հաղորդակցության մասնագետին՝ Ալեքսանդր Մարտիրոսյանին, գրելով՝ [email protected] էլ․ փոստի հասցեին։

#PowerUp-ի առաջին փուլի մասին կարող եք կարդալ՝ այստեղ։

#PowerUp-ի երկրորդ փուլի մասին կարող եք կարդալ՝ այստեղ։

————————
* Այս միջոցառումն իրականացվում է Հանրային լրագրության ակումբի կողմից, Բաց հասարակության հիմնադրամների աջակցությամբ։

#FightFake #PowerUpYouth #PowerYourself #FakeNewsHuntersArmenia